FAARSO 47:5 - Qullaawa Maxaafa

⁵ Maganu ayirradu dargasi ha'ri woyite, Kaaliiqi iimira hige ha'ri yannara, ililleettenna buudu xurumbi luulo macciishshinoonni.

FAARSO 47:5 ပူးပေါင်းရင်းမြစ်များ

LAYINKI SAAMUEELI 6:15

Daawitinna Israeelete manni baalu qeexaa'lanni buudu xurumba ufuufanni Kaaliiqi Taaboota haa're abbi.

UMI DUDUWO 15:28

Kunni garinni Israeelete manni baalunku buudunnihanna siwiilu xurumba ufuufanni, tsenaatsile gananni, maasinqonna bagana gananni hagiidhanninna ilillisanni Gondooru Taaboota duhe Yerusaalame abbi.

UMI DUDUWO 16:42

Hemaaniranna Yidutunira xurumbuwate, tsenaatsillatenna galatu faarso faarsinanni yannara gannannihura wolu muuziiqu uduunnira annimma uyinonsa. Yidutuni boosaalli mannira huxxu waalchuwa agarate annimma uyinonsa.

FAARSO 150:3

Buudu xurumbinni galattesi; baganunninna gingilaatunni galattesi.

FAARSO 68:33

Bi're hundinni kayise gordo gulufe noo Maganita, wolqaataame huurosi macciishshe!

FAARSO 78:65

Mootichuno goxanotenni kainohu gede ikke kai; woyinete xajje agino bareedi gede ikki.

FAARSO 81:3

Ayyaana ayirrinsanni barra buudu xurumba ufuuffe; Aganu Leellanno yannaranna dukkaaduranno woyite hatto asse.

FAARSO 98:6

Suusullenna buudu xurumba ufuuffinanni, Kaaliiqi mootenkera ilillisse.

HIZIQEELI 20:6

Gibitsetenni fushsheemmonsatanna ani doorommonsatewa malawunna ado lolakkannota roore baatto haa're masseemmonsa gede hexxo oommonsahu hakka warooti.

AMOOTSI 8:7

Israeelete Hexxo ikkinohu Kaaliiqi su'misinni, «Ani Mootichu Kaaliiqi, insa loossino bunshe baala horonta dihaweemmo.

MILKIYAASI 2:3

Ooso'neno rufeemmo. Kakkalote abbitinoonniha saadate cuma albi'nera wixeemmo. Ki'neno cumunku ledo ishine tunganniwa massine hunnanni'ne.

KIIRO 23:21

Israeelete manni aana, bunshenna qarra diafoommo. Kaaliiqi Maganinsa ledonsa no; isi mootensaati.

UMI TESELONQE 4:16

Mootichu hajajote hirbinni, sokkaasinete roorrichi huuronni Maganu woshshatto xurumbunnitenni dukkisame gordunni daanno. Kiristoosa ammante heedhe reyitinori balaxxe ka'anno.

UMI XIMOOTEWOOSI 3:16

Amma'nonke halaali, huluullo nookkiha jawaho. Hakku halaalino, «Manna ikke leellinohu; halaalaanchimmasi Qullaawu Ayyaaninni egennantinohu; sokkaasinete leellinohu; manna baalaho kulloonnihu; alamete aana noo manni ammaninosihu; ayirrinyunni gordo ha'rinohu» yaannoho.

IYYAASU 6:5

Hakkunni gedensaanni, qeesootu buudu xurumbinni naggi yiino luulo macciishshinanni gede assitona. Konne macciishshitinanni heedhineenna, hakkawoyintenni mannu baalunku naggi yitino qoonqonni roqonsona. Hakkunni gedensaanni, katamu huxxino diigamanno; hoodete wo'manti olanto ca'u yite katamu giddora e'ona» yii.

YOHAANNIS AJUUJA 11:15

Lamalki sokkaasinchino xurumba ufuufi. Gordunni, «Kalqe baalate gashshooti, Mootichunnihanna Buurinosihunniha ikki. Isi hegere hegerera moohanno» yitannota batinye huuro macciishshummo.