FAARSO 47:1 - Qullaawa Maxaafa

¹ Daga baala, anga'ne ganne; hagiirru qaalinni Maganoho faarse.

FAARSO 47:1 ပူးပေါင်းရင်းမြစ်များ

LAYINKI SAAMUEELI 6:15

Daawitinna Israeelete manni baalu qeexaa'lanni buudu xurumba ufuufanni Kaaliiqi Taaboota haa're abbi.

LAYINKI MOOTOOLLA 11:12

Hakkunni gedensaanni Yoodahe mootete beetto Iyoaasi haa're abbe ayirrinyu ba'latto umoho worisi; gashshootu seera amaddino borrono uyisi. Kunni garinni Iyoaasi buurre moohinsi. Mannuno qoonqonsa naggi asse anga gananni, «Seeda diro moohi!» yii.

LAYINKI DUDUWO 13:15

Yihudu manni qoonqo naggi asse alaakanni Abiya albisanna ola fani. Maganuno Iyorbiaaminna Israeelete olanto baala qeeli.

FAARSO 106:47

Kaaliiqa Maganonke ballo, gatisinke! Gobba baalatennino gamba assite gobbanke qolinke; hakkawoyite galanteemmohe; qullaawa su'makkino ayirrinseemmo.

FAARSO 42:1

Bulaa buichote waa sinsinnaabbannonte gede, Magano! Hattonni lubbo'ya ate sinsinnaabbanno.

FAARSO 46:1

Maganu golonkeetinna wolqankeeti; qarru iillannonke yanna baalate kaa'late qixxaawaho.

FAARSO 47:5

Maganu ayirradu dargasi ha'ri woyite, Kaaliiqi iimira hige ha'ri yannara, ililleettenna buudu xurumbi luulo macciishshinoonni.

FAARSO 98:4

Baattote aana heedhinanniri baalu Kaaliiqira ilillisse; faarsotenninna ililleettetenni galattesi.

FAARSO 98:8

Ha'ranno wayi baalu anga gano; ilaallano mitteenni hagiirrunni faarsito.

ISAYAASI 55:12

«Tidhantine fultinanni waro, gobba'ne keerunni higginanni. Ilaallanna gaarra alba'neenni faarsitanni kukkubbitanno; dubbu haqqeno anga gantanno.

ERMIYAASI 31:7

Kaaliiqi qole, «Daga baala roortino Israeele daafira, ilillissinanni faarse; Israeelete taraare ikkinoha mannasi gatisino.

SOFFOONIYAASI 3:14

Kaaliiqi, «Tsiyooni beetto faarsi! Israeelete manna! Faarse! Ilillisse! Yerusaalamete beetto! Wo'mu wodanikkinni tashshi yoohena, hagiidhi.

ZAKKAARIYAASI 4:7

Zerubaabeeli! Kuni albakkiinni noo ilaali maati? Taalo xawo ikke gatanno; atino Qullaawa Mine galagalchite minatto; Mine tantanatto woyite mannu, ‹Hiittoo xumaati!› yaanni cancanno» yiie.

ZAKKAARIYAASI 9:9

Tsiyooni manna, hagiidhe! Yerusaalamete manna, hagiirrunni ilillisse! Kuneeti moote'ne ki'newa daanni no; isi qeelinohonna bareedaho. Joongillunni harricho, harrichote ilmicho gulufe daanno.

UMI SAAMUEELI 10:24

Saamueelino manna wo'manka, «Kaaliiqi doorino manchi konneeti. Ninke giddo isi geeshshihu dino» yii. Hatte yannara mannu, «Moote hegerera moohi» yii.