FAARSO 46:2 - Qullaawa Maxaafa

² Kunnira, baatto shafanturo, ilaallano marte baaru giddo ubburo diwaajjineemmo;

FAARSO 46:2 ပူးပေါင်းရင်းမြစ်များ

LAYINKI SAAMUEELI 22:3

Maganu golo'ya ikkinoehura, isi ledo keerunni hee'reemmo; wonqo'ya ikke gargarannoe. Hale'ya ikke keerunni worannoe; isi gatisaancho'ya ikkinohura, shettotenni fushshannoe.

FAARSO 142:6

Qarru giddo itame noommo daafira, kaa'lattoera atewa hige raareemmo woyite, macciishshie; lowo geeshsha wolqissinoena diinna'yawiinni gatisie.

FAARSO 18:7

Maganu hanqino daafira, baatto huxidhu; shafantu; ilaallate hundino milli yii.

FAARSO 23:4

Reyo lawanno tunsichi giddoonni hige ha'rummoro nafa, ati ledo'ya nootto daafira diwaajjeemmo; siqqichokkinna wodambichikki sheshifachishshannoe.

FAARSO 27:3

Lowo olanto gaangeessituero nafa wodani'ya dimasanno; olu kaierono Magano hawaqi'reemmo.

FAARSO 28:7

Kaaliiqi wolqa'yaatinna wonqo'yaati; wodani'yanni iso hexxeemmo. Kaa'lannoe daafira tashshi yaannae, galatu faarso faarseemmosi.

FAARSO 37:39

Keeraanote gatonsa Kaaliiqiwiinni dagganno; qarrinsa yannara isi qiishonsaati.

FAARSO 59:17

Gargaraancho'ya! Ati anera golo'yaati; baxattoe Maganootina, ate Magani'yara faarseemmohe.

FAARSO 62:8

Manna! Wo'manka woyite iso addaxxe; isi golonkeetina, qarra'ne baala isira hasaaphe.

FAARSO 62:9

Mannu baalu fooraru gedeeho; afi'rinohuno hooginohuno baalunku mullareeti; keennanni woyite shote baino. Foollanni fooli geeshsha nafa di"ikkino.

FAARSO 82:5

Ki'nera kayinni egennonna wodancha dino'ne; tunsichu giddo heedhinoonni; baattote aaninni halaalu co'o yee baino.

FAARSO 91:2

Kaaliiqano, «Ati qiisho'yaatinna golo'yaati; hexxeemmohe Maganooti» yaanno.

ERMIYAASI 14:8

Ati Israeelete hexxo ikkoottohu, qarru yannara gatisattonkehu, baattonkera wosinchonna, hashsha calla gale ha'ranno doogaasinchi gede mayira ikkitto?

NAHOOMI 1:7

Kaaliiqi shaqqadoho, qarru yannarano mannisira dancha kaajjado maaxammanni dargaati. Isiwa eeggo e'annore baalanka agarannonsa.

MAATEWOOSI 21:21

Yesuusi, «Halaale kuleemmo'nena, amma'na heedhu'neronna huluullama hoogginiro balase ikkitu gede assa calla ikkikkinni konne ilaala, ‹Kawiinni ka'e marte baaru giddo uwi!› yitiniro nafa ikkanno'ne.

LUQAASI 21:33

Gordunna baatto sa'anno; qaali'ya kayinni disa"anno» yee lawishsha kulinsa.

IBIRAAWOOTA 13:6

Kunnira hawaqi'ne, «Kaaliiqi kaa'laancho'yaatina diwaajjeemmo. Mannu ma assannoe?» yineemmo.