FAARSO 45:2 - Qullaawa Maxaafa

² Ati manna baala roore xumaati; Maganu maassi'rinohe daafira, hasaawikki coommannoha ikkino.

FAARSO 45:2 ပူးပေါင်းရင်းမြစ်များ

FAARSO 21:6

Hegere maasso aattosi daafira, mulesi hee'ratenni hagiirsiisattosi.

LAWISHSHA 22:11

Keeraanchu wodanihunna shaqqadu arrawihu, mootete jaala ikkanno.

LAWISHSHA 5:2

Hatto assittoro, hayyicha ikkatto; coyi'ratto coyino egennaamo ikkoottota leellishanno.

FAARSO ROORE FAARSO 2:3

Baxillaanchi'ya wolu wedelli ledo taashshiniro, dubbu giddo laalanno haqqichi gedeeho; anino hagiidhanni caalisi hunda fooliishshi'roomma; laalosino coommitannote.

ISAYAASI 33:17

Mitto barra, baatto qaccetenni qaccete geeshsha gashshanno mooteha, gaacheenasinna xummesi la'inanni.

ISAYAASI 50:4

Wolqa hoogginore jawaachisheemmo gede, Mootichu Kaaliiqi coyi'reemmore kulinoe; soodimaroho baqqi yee, rosiisannore macciishsheemmo gede assannoe.

ISAYAASI 61:1

Mootichu Kaaliiqi Ayyaani ane aana no; gadadantinorira dancha duduwo duduwate, wodana hiiqqantinore dhaawatenna, qafadantinori agurantannota, usurantinori tidhantannota kulate, Kaaliiqi buure soyinoe.

ZAKKAARIYAASI 9:17

Mannu gobbate danchummanna biinfille maala'lanno; aju manni tenne dancha gobba sagalenninna, haaro woyinete xajjenni kaajje lophanno.

MAATEWOOSI 17:2

Hakkiicho heedheenna albansaanni danisi wole ikki; albisino arrishshote gede xawi; uddanosino waajjo qoffe ikkite caabbichimma xabbu.

LUQAASI 4:22

Baalunku Isire dhaggeeffattanninna ashilaamu hasaawisire dudubbanni, «Isi Yooseefi beetto di"ikkino?» yitu.

YOHAANNISI 1:14

Qaalu manna ikki; eltonna halaale haraqi're ninke giddo gali. Mittichu ilamino Beetti Annuwiinni adhinohu gedeeha ayirrinyesi la'noommo.

YOHAANNISI 7:46

Agaraasineno, «Kuni manchi coyi'ranno garinni ayino coyi're diegennino» yitu.

IBIRAAWOOTA 7:26

Qullaawu, mishamme nookkihu, fayyaaleessu, cubbaataammuwiinni baxxinohu, aliidi gordira aleenni noohu Qeesootu Qari ninkera malinohu isooti.