FAARSO 45:16 - Qullaawa Maxaafa

¹⁶ Moote! Annuwakki darga mookkannota lowo ooso afi'ratto; baatto baalate aanano gashshaasine assite moohisattonsa.

FAARSO 45:16 ပူးပေါင်းရင်းမြစ်များ

FAARSO 22:30

Dagganno ilama soqqantannosi; mannuno Mootichu looso dagganno ilamara kulanno.

MAATEWOOSI 19:29

Ane daafira yee minna woy labbaa roduuwa woy meyaa roduuwa woy ama woy anna woy ooso woy gate agurannohu baalu xibbe ero adhanno; hegere heeshshono afi'ranno.

UMI PHEEXIROOSI 2:9

Ki'ne kayinni tunsichunni maala'linanni caabbichiwa woshshino'ne Maganiha dhaggete looso kultinara doorantinoonni ilamaati; mootete qeesootaati; qullaawa mannaati; isira baxxitinoonni gosaati.

YOHAANNIS AJUUJA 1:6

Maganu Annisira soqqammeemmo gede qeesootu gashshoote assinonkehura, Yesuusi Kiristoosira hegere hegerera ayirrinyunna wolqa ikkitosi! Hamii'ni!

YOHAANNIS AJUUJA 20:6

Umi kaora beeqqaasine ikkitannori ba'raadhinoreetinna qullaawootaho; layinki reyo insa aana wolqa diafidhino. Insa Maganunna Kiristoosi qeesoota ikkitanno; isi ledono kume diro mookkanno.

YOHAANNIS AJUUJA 5:10

Maganinkera soqqantanno gede, qeesootu gashshoote assoottona; gobbano gashshitanno» yitanni tenne haaro faarso faarsitu.