FAARSO 43:3 - Qullaawa Maxaafa

³ Massaggannoe gede caabbichokkinna halaalekki soyie; insano galattowa qullaawu ilaalikkiwa haadhe massitoe.

FAARSO 43:3 ပူးပေါင်းရင်းမြစ်များ

LAYINKI SAAMUEELI 15:20

Dayottohuno muleetilla; mayira haa're raateesseemmohe? Ani wortuewa ha'reemmona, ati kayinni higi; mannakkino ledokki haadhe ha'ri. Kaaliiqi shaqqillisinninna ammanamasinni agarohe» yiisi.

LAYINKI SAAMUEELI 15:25

Mooteno Saadooqi, «Kaaliiqi Taaboota katama qoli. Maganu baxinoeha ikkiro, galagalche kawiira qoloena. Kaaliiqi baxieha ikkiro, Taabootanna Taaboota worranni darga galagale ille'yanni laeemmo gede assannoe.

UMI DUDUWO 16:1

Gondooru Taabootano massite Daawiti qixxeessino dukkani giddo wortu. Hakkunni gedensaanni Kaaliiqira gudinse shilqinshannitanna mittimmate kakkalo shiqishshu.

UMI DUDUWO 16:39

Qeesicha Saadooqiranna isi ayidde ikkitinorira wolootu qeesootira, Gebaooni noohura Kaaliiqa magansi'nanni dukkani giddo assinanni seerira annimma uyinonsa.

UMI DUDUWO 21:29

Hatte yanna geeshsha Muse halallitte gobbara seekkinohu Kaaliiqa magansi'nanni dukkaninna kakkalo shiqinshanni uduunnichi magansi'nanniwa Gebaooni gaari aana no.

FAARSO 119:105

Qaalikki lekka'yara caabbichoho; doogo'yara xawaabbaho.

FAARSO 143:10

Ati Magano'yaati; hedoottore asseemmo gede kaa'lie; shaqqadu ayyaanikki xalala doogo qole haa're haroe.

FAARSO 2:6

«Tsiyooni Ilaali qullaawu aana moote'yano moohisi'roommo» yii.

FAARSO 3:4

Kaa'lote Kaaliiqa woshshi'reemmo; isino qullaawu ilaalisi iima hee're macciishshannoe.

FAARSO 36:9

Ati heeshshote buichootina, xawaabbikkinni xawaabba la'neemmo.

FAARSO 40:11

Kaaliiqa maarokki anewiinni xeertissooti; bagamannokki baxillikkinna halaalikki wo'manka woyite agaroe.

FAARSO 42:4

Ani albaanni hige lowo manni ledo Maganu Minira ha'ranna, ayyaana ayirrissannori galatu faarsonni Magano galattino; konne coye qaaganna wodani'ya dadillunni hiiqqami.

FAARSO 46:4

Maganu katamira, Wo'munkura Aliidihu hee'rannowa qullaawa darga, tashshi assannohu daadanno wayi no.

FAARSO 57:3

Isino gordunni dawaro soye gatisannoe; xiibbanoereno shollishanno; Maganu bagamannokki baxillesinna ammanamasi leellishannoe.

FAARSO 57:4

Kune baarigaarra'ya itanno doobbiyi gede doyissite nooeta lai; hinkonsa amaxxotenna maxxaho; arrawinsa gamanxoonni biseeti.

FAARSO 78:68

Kayinnilla Yihudu ga'renna, baxinoha Tsiyooni Ilaala doorino.

FAARSO 84:1

Olantote Kaaliiqa! Ati galattowi hiitto baxisannoho!

FAARSO 97:11

Keeraanote xawaabbu fulinsa; wodana subbinorira hagiirru dayinsa.

MIKIYAASI 7:20

Bi're albi dirinni kayisse annuwankera oottonsa hexxo garinni, Yaiqoobira ammanamakki, Abirihaamira bagamannokkiha baxillekki wonshi.

MIKIYAASI 7:8

Diina'ya, uwa'yara hagiidhitooti. Uwummorono kaeemmona. Tunsote ofollummorono Maganu caabbicho ikkannoe.

YOHAANNISI 1:17

Seera Muse widoonni qolle uyinoonni; eltonna halaalu kayinni Yesuusi Kiristoosi widoonni hige dayino.

YOHAANNISI 1:4

Isi giddo heeshsho no; hatti heeshshono mannu xawaabbaati.