FAARSO 43:2 - Qullaawa Maxaafa

² Magano golo'ya mayira agurattoe? Diini'ya gadadisannae yaadanni mayira hee'reemmo?

FAARSO 43:2 ပူးပေါင်းရင်းမြစ်များ

UMI DUDUWO 28:9

Daawiti Selemoonira, «Beetto'ya Selemooni! Ane annikki Magano egennatto gede, wo'mu wodaninninna hagiidhitino hedonni soqqamattosi gede kuleemmohe. Isi hedonkenna halchonke baala egennino; isiwa gamba yiittoro, isino atewa gamba yaannohe; agurittosiro kayinni hegere geeshsha agurannohe.

FAARSO 140:7

Jawaata gargaraasincho'ya ikkoottohu Mooticha Magano'ya! Olu barra ati siwiilu gullee'yaati.

FAARSO 28:7

Kaaliiqi wolqa'yaatinna wonqo'yaati; wodani'yanni iso hexxeemmo. Kaa'lannoe daafira tashshi yaannae, galatu faarso faarseemmosi.

FAARSO 31:4

Ati eeggo e'nanniwaatina, baarigaarra'ya wortinoe woshshaado giddonni fushshie.

FAARSO 42:10

Baarigaarra'ya wo'manka woyite, «Maganikki hiikko no?» yite yaachishshannae, manninati'ya yaaddotenni manii'ri.

FAARSO 42:9

Magano, «Ati digolo'yaati? Mayira hawittoe? Baarigaarra'ya gadadishshinni kainohunni, yaadanni hee'reemmohu mayiraati?» yeemmosi.

FAARSO 44:9

Xa kayinni giwoottonke; shollishoottonke; olantonke ledono fula agurootto.

FAARSO 71:9

Geedhimma'ya yannara huntootie; wolqa gooffannoe waro agurtootie.

FAARSO 77:7

«Mootichu hegerera tuge agurannoni? Kunni ka'a caaqqi yee dila"annonke?

FAARSO 88:15

Ani anje'yanni kayise qarramoommohonna reyote gambisoommoho; hanqikkinni kainohunni hawaaxamoommo.

FAARSO 94:14

Kaaliiqi mannasi dihunanno; isire ikkitinoreno diaguranno.

FULO 15:2

Kaaliiqa faarseemmohu wolqa'ya ikkinohuraati; diini'ya anganni gatisinoehuno isooti. Isi Magano'yaatina galaxxeemmosi; anni'ya Maganootina, ayirrisi'reemmosi.

ISAYAASI 40:31

Kaaliiqi kayinni iso hexxitannorira, wolqansa haaroonsanno; allamurchu gede qoolunni buubbanno. Doddanno; didaafurtanno; hadhanno dihoogganno.

ISAYAASI 45:24

Mannuno, ‹Keeraanchimmanna wolqa Kaaliiqiwa no› yee coyi'ranno; gibbannoeri baalu anewa dagge saalfattanno.

ZAKKAARIYAASI 10:12

Ani manna'ya dhaabbachisheemmo; insano qaali'yara hajajantanni su'ma'ya ayirrissanno. Konne coyi'roommohu ani Kaaliiqaati» yaanno.

EFESOONI SOKKA 6:10

Hakkiinni sa'uta, Mootichunninna jawa wolqasinni jawaattine heedhe.

FILIPHISIYUSI SOKKA 4:13

Wolqa aannoehunni Kiristoosinni baalankare assa dandeemmo.