FAARSO 42:9 - Qullaawa Maxaafa

⁹ Magano, «Ati digolo'yaati? Mayira hawittoe? Baarigaarra'ya gadadishshinni kainohunni, yaadanni hee'reemmohu mayiraati?» yeemmosi.

FAARSO 42:9 ပူးပေါင်းရင်းမြစ်များ

FAARSO 13:1

Kaaliiqa ballo, mamooti geeshsha hawattoe? Mamooti geeshshano alba maaxi'rattoe?

FAARSO 18:2

Kaaliiqi golo'yaati; qiisho'yaatinna gatisaancho'yaati; Magani'ya maaxameemmo godaati; wonqo ikke gargarannoe; ha'leno gatisannoe; isi anera seeda shaeeti.

FAARSO 28:1

Kaaliiqa golo'ya eeggate, ate woshshi'reemmo; huuccatto'ya macciishsha gibbootie; sammi yite giwittoero kayinni bale ea'yaati.

FAARSO 38:6

Lowo geeshsha gadadamoommo; barra wo'ma wi'lanni kadame keeshshoommo.

FAARSO 43:2

Magano golo'ya mayira agurattoe? Diini'ya gadadisannae yaadanni mayira hee'reemmo?

FAARSO 55:3

baarigaarra'ya waajjishiishshinni kainohunni masoommo; bushuullu gadadishshinni kainohunni hiiqqamoommo; aana'ya qarra abbitanno; hanqitannoe; gibbannoe.

FAARSO 62:2

Isi callu golo'yaati; gatisaancho'yaatinna, qiisho'yaati; kunnira, dargi'yanni ayino milli diassannoe.

FAARSO 77:9

Maganu marara hawinoni? Maarosi hanqoho soorrinoni?» yoommo.

FAARSO 78:35

Maganu golonsa ikkinota, Wo'munkura Aliidi Magani gatisaanchonsa ikkinota qaaggu.

FAARSO 88:9

Dadillu batinyinni, kainohunni ille jallaaggue. Kaaliiqa ballo, barru barrunkunni atewa hige raareemmo; huuccattote anga'ya ate widira qole fa'neemmo.

FAARSO 92:3

Baganunni, maasinqotenninna gingilaatunni, atera galata shiqisha danchate.

ROSIISAANCHO 4:1

Xaano kalqete aana assinanni beebba afoommo; gadadantinori sheshifachishannonsaha hoogge wi'litanna laoommo. Roorre baala gadadissannonsarita ikkitinohura kaa'lannonsaha diafidhino.

ISAYAASI 40:27

Yaiqoobi sircho! Israeelete gosa! «Kaaliiqi qarra'ya diafino; halaaleno difushshinonke» yitine mayira gunguntinanni?

ISAYAASI 49:15

Kaaliiqi qole, «Ama qansidhannoha qaaqqose habbannoni? Iltino qaaqqo dimarartanno? Ise habbara dandiitanno; ani kayinni horonta dihaweemmo'ne.