FAARSO 42:6 - Qullaawa Maxaafa

⁶ Magano'ya ballo, lubbo'ya daassitannae, Yordaanoosi gobbara Hermooni Mizaari Ilaalira hee're qaageemmohe.

FAARSO 42:6 ပူးပေါင်းရင်းမြစ်များ

LAYINKI SAAMUEELI 17:22

Kunnira Daawitinna ledosi noori baalunku ka'e Yordaanoosi Waa fulte hadhu. Sooda geeshsha Waa tayise fulinokkihu mittuno dino.

LAYINKI SAAMUEELI 17:27

Daawiti Mahinayimi Katama dayi yannara, Amoonootu gobbanni Raaba Kataminni dayinohu Naoosi Beetti Shoobi, Lodebaari Katami manchi Amieeli beetti Makiiri, Roogiliimi Katamihu Geleaadichu Barzilayi,

FAARSO 133:3

Hermooni Ilaalinni kae Tsiyooni gaarra widira hige coccoanno loji gedeeho; Kaaliiqi hakkunni dargira hegere heeshsho maasso aanno.

FAARSO 22:1

Magano'ya! Magano'ya! Mayira agurittoe? Anewiinni mayira xeerti'ritto? Raare'ya macciishshite mayira gatisa giwittoe?

FAARSO 43:4

Hatte yannara, kakkallanni dargi Maganunnihuwa, hagiirsiisannoe Maganiwa mareemmo; ate Magano Magano'ya! Gingilaatunni galaxxeemmohe.

FAARSO 43:5

Lubbo'ya ballo! Mayira dadillatta? Mayirano daassattae? Xaano Magano gatisaancho'ya galaxxeemmona, atino iso hexxi.

FAARSO 61:2

Hexxo ba'annoe yannara, qae'yanni lowo geeshsha fafe hee're, atewa hige raareemmo; ati anera kinchu huxxaatina, diini'yawiinnino golo ikkite gatisie. Massite keeru noowa worie.

YOONAASI 2:7

Lubbo'ya daaqqu yannara, ate Kaaliiqa'ya qaage huucci'roommo; atino Qullaawa Minekki heedhe macciishshoottoe.

MAATEWOOSI 26:39

Insawiinni alba hige shiqqi yee, uulla uwe, «Anna'ya, dandaamannoha ikkiro, kuni qarri anewiinni saona! Kayinnilla, ate hedo gede ikko ikkinnina ane hedo gede ikkoonke» yii.

MAATEWOOSI 27:46

Honse saate ikkita Yesuusi, «Eloyi! Eloyi! Lama Sabaqitani?» yee lowo qaalinni coyi'ri. Hatto yaa, «Magano'ya, Magano'ya, mayira agurittoe?» yaate.