FAARSO 42:2 - Qullaawa Maxaafa

² «Mamoote iilleemma? Magani'ya albano mamoote laeemma?» yite, lubbo'ya heeshshote Magano goodhanno.

FAARSO 42:2 ပူးပေါင်းရင်းမြစ်များ

IYYOOBI 23:3

Iso anfanniwa afoommoronna, yoo yaannowa afoommoro,

FAARSO 27:4

Kaaliiqa mitto coye huucci'roommo; hasi'reemmohuno hakkonneeti; hakkuno, heeshsho'ya diri baalankunni minesi hee'reemmo gede, Kaaliiqi danchumma laeemmo gedenna, Qullaawa Minesi hee're huucci'reemmo gedeeti.

FAARSO 43:4

Hatte yannara, kakkallanni dargi Maganunnihuwa, hagiirsiisannoe Maganiwa mareemmo; ate Magano Magano'ya! Gingilaatunni galaxxeemmohe.

FAARSO 63:1

Magano'ya! Ati anera Magano'yaati; ani ate lowo geeshsha sinsinnaawoommo; manninati'ya ate yoranno; waa hoogge buko ikkite mooltino baatto gede lubbo'ya ate goodhanno.

FAARSO 63:3

Bagamannokkihu baxillikki heeshshotenni rooranno daafira, suumma'ya galattannohe.

FAARSO 84:10

Wolewa kume barra keeshshantenni, mitto barra ate Mine hosa woyyate; bushuullu mine ofollantenni, Magani'ya Mini xullichira ofolle hosa woyyate.

FAARSO 84:2

Ani hakkiicho hee'rate halchoommo; Kaaliiqi mineno sinsinnaawoommo. Heeshshote Maganira wo'mu wodani'yanni hagiidhanni faarseemmo.

FAARSO 84:4

Wo'manka woyite galatu faarso faarsitanni, minekki heedhannori baraadhinoreeti.

FAARSO 84:7

Hakkiichira hadhanni heedhe, Jawaantete aana jawaante lexxitanno; magannate Maganono Tsiyooni marte la'anno.

FULO 23:17

«Dirunni 3 hige labballu baalunku Mootichu Kaaliiqi albira shiqona.

ISAYAASI 26:8

Mooticha, seerakki agadhinanni ate hexxineemmo; wodaninke halchono ate ayirrisate.

ERMIYAASI 10:10

Kaaliiqa, ati kayinni halaalanya Maganooti; ati heeshshote Maganooti; hegere Mooteeti. Ati hanqatto woyite kalqe baala huxidhanno; gobbate gashshaano ate hanqo uurrisa didandiitanno.

ERMIYAASI 2:13

Ki'ne manni'ya 2 cubbo loossinoonni; heeshshote buicho ikkoommoha ane agurtinoonnie; waa ki'annokkita foonfa balla u'mitinoonni» yii.

DAANIEELI 6:26

Gashshooti'ya giddo hee'ranno manni baalu, Daanieeli Magano waajjanno gedenna, ayirrisanno gede lallawunni hajajoommo. Maganisi heeshshonnihonna hegerera hee'rannoho; isi hegere hegerera mootete; gashshootisirano gawalo dino.

YOHAANNISI 5:26

Annu giddo heeshsho noonte gede, Beettu giddono heeshsho heedhanno gede assino.

YOHAANNISI 7:37

Ayyaana ayirrinsannihu gumulotenna lowo geeshsha ayirradu barrinni, Yesuusi uurre qoonqosi naggi asse, «Waa goo'rinohu hee'riro anewa daye ago.

UMI TESELONQE 1:9

Ki'newa dangummo yannara hiittoo garinni haadhinoonninkero, heeshshonnihuranna halaalaanchu Maganira soqqamate, kaphu magannawiinni baxxitine Maganunniwa ikkitine higginoonni gara hakku manninni farci'ranno.

IYYAASU 3:10

Ki'ne alba higgine hadhinanni bikkinni, isi Kana"aanoota, Hitoota, Hiwoota, Ferizoota, Gergesoota, Amooraawootanna Iyaabuusoota albi'nenni hoolanno. Heeshshote Magani mereero'ne noota affinannihu,

YOHAANNIS AJUUJA 22:1

Hakkunni gedensaanni sokkaasinchu Maganunna Ge'rechu barcimi ayirraduwiinni fulannoha hincilaallote gede xawannoha heeshshote wayi xashsho leellishie.