FAARSO 40:5 - Qullaawa Maxaafa

⁵ Kaaliiqa Magano'ya assootto dhagge lowote; ate gedeehu horontanni dino; ati ninkera maala'linanni coye hedoottonke; hasaawenna coyi're gude diafeemmo!

FAARSO 40:5 ပူးပေါင်းရင်းမြစ်များ

IYYOOBI 26:14

Kuni baalu Maganu loosinori giddonni shiimiidiho; loosinori giddonni macciishshinoommori hilireeti; wolqasi lowimma hiitto assine afa dandiinanni?» yii.

IYYOOBI 5:9

Isi hende anfannikkiha jawa coyenna, kiirre dandiinannikki maalale assanno.

IYYOOBI 9:10

Hendara dandiinannikkiha lowo coye assanno; kiirre fullannikki maalale loosanno.

FAARSO 136:4

Callichisi jajjabba maalale assanno; bagamannokkihu baxillisino hegerehona.

FAARSO 139:6

Ate egenno lowo geeshsha bati'rate; ane hedora aleenniiti.

FAARSO 71:15

Loosikki kiirre gundannikkiha ikkiro nafa, afii'ya barra baala keeraanchimmakkinna gatisaanchimmakki coyi'ranno.

FAARSO 73:28

Anera kayinni Maganunniwa gamba yaa woyyitannoe; Tsiyooni waalchira uurre dhaggenniha loososi kulate, Mooticha Magano golo'ya assi'roommo.

FAARSO 92:5

Kaaliiqa, loosikki mageeshshi geeshsha jawaho! Hedokkino iilline dianfannite.

FULO 11:8

Museno, «Ledokki gashshaano baalu dagge woxarattannoe; manna'ya adhe ha'reemmo gede huuccidhannoe; hakkunni gedensaanni ha'reemmo» yee hasaawasi gudi; tenne coyi'rihu gedensaanni, lowo geeshsha hanqe Feriooni albinni fule ha'ri.

FULO 15:11

Kaaliiqa, magannate giddo ate gedeehu ayi no? Maala'linanni qullaambehu, waajjishanno xirchihu, dhagge loosannohu ate gedeehu ayi no?

ERMIYAASI 29:11

Ki'nera hedeemmore ani egennoommo; hedo'yano hexxonna albillittete ikkitanno'ne gede, keerunnite ikkinnina bunshennita di"ikkitino.