FAARSO 40:12 - Qullaawa Maxaafa

¹² Kiiro anfoonnikki bunshe doyissitinoe; cubbu amadeennae la"a hoogoommo; kiiro umi'ya danancho rooreenna hexxo ba'inoe.

FAARSO 40:12 ပူးပေါင်းရင်းမြစ်များ

KALAQAMA 42:28

Roduuwisira, «Birri'ya galagale higino; isino kune ogori'yara no» yiinsa. Wodaninsa maseenna, huxidhanni insa insanaawa, «Maganu togo mayira assinke?» yitu.

FAARSO 116:3

Reyote dano doyisitue; waammate waajjilli gaangeessie; waajjillunna yaaddo amaddue.

FAARSO 19:12

So'rosi afannohu dinona, afa hoongetenni loosoommo cubbinni gatisie.

FAARSO 38:4

Cubbi'ya lolahu gede egemminoe; lowo duhi gede ayirrinoe.

FAARSO 61:8

Anino atera xa'noommo xano barru barrunkunni aanni, wo'manka woyite su'mikkira faarseemmo.

FAARSO 69:4

Beebbatenni gibbannoeri umi'ya dananchi kiironni roortino; huntaera hassannoeri baarigaarra'ya wolqissinoe; adhoommokkiha qoli yitanni giddeessitue.

FAARSO 73:26

Maali'yanna wodani'ya goofiro nafa, Magani'ya kayinni wodani'yara jawaantete; hegere geeshsha kaayyo'yaati.

ISAYAASI 53:6

Ninke wo'munku ge'reewu gede billaalline ba'noommo; baalunku umi uminke doogo hinge ha'noommo; Kaaliiqi kayinni ninke sao isi aana worino.

LUQAASI 21:26

Gordu kalaqami shafamanno daafira, ‹Baattote aana mayi daaraati ikka› yee noo manni waajje daaqanno.

IBIRAAWOOTA 4:15

Cubbo agurranna ninke gede baalu coyinni fonqolaminohu Qeesootu Qari noonke. Isi wolqanke anjera kaa'le afannokkiha di"ikkino.

UMI PHEEXIROOSI 3:18

Kiristoosino ninke Maganunniwa shiqishara yee, keeraancho ikke hee'renni, keeraanchimma afi'noommokkirira cubbinkenni kainohunni mitte hige qarra adhe reyino. Isi manninatunni ree, ayyaanunni kayinni heeshshonniha ikkino.