FAARSO 40:10 - Qullaawa Maxaafa

¹⁰ Assite gatisoottoe gara dimaaxoommo; ammanamakkinna keeraanchimmakki songote mereero duduweemmo; bagamannokki baxxillekkinna halaalekki kula diagureemmo.

FAARSO 40:10 ပူးပေါင်းရင်းမြစ်များ

FAARSO 22:26

Buxane duubba geeshsha ittanno; Kaaliiqa hasidhannori galattannosi; insa, heeshshonsa diri baalunkunni qawaaxxidhe heedho!

FAARSO 25:10

Gondoorosinna hajajosi agartannorira, Kaaliiqi loosanno loosinni maarosinna bagamannokkiha baxillesi leellishannonsa.

FAARSO 34:6

Ani qarraataamu Kaaliiqiwa hige raarummo; isino macciishshie, qarri'ya baalunkunni gatisie.

FAARSO 75:9

Ani kayinni Yaiqoobi Maganire hegere geeshsha duduweemmo; isira galatunni faarseemmo.

FAARSO 89:1

Kaaliiqa, ani bagamannokkihu baxillikki daafira, wo'manka woyite faarseemmo; ilamate ilamara halaalaanchimmakki duduweemmo.

ISAYAASI 49:6

Kaaliiqi, «Galagalchite Yaiqoobi ilamaha ayirrinyensa qolatenna, gatinoha Israeelete manna wodate, soqqamaancho'ya ikka calla di"ikkitino. Hakkiinni roore gatisaanchimma'ya, gobbate qacce geeshsha iillishatto gede, daga baalate caabbicho asseemmohe.

HIZIQEELI 2:7

Haxawarra manna ikkitinohura, macciishshituherono macciishsha gibbuherono, ani yeemmohere kulattonsa.

MIKIYAASI 7:20

Bi're albi dirinni kayisse annuwankera oottonsa hexxo garinni, Yaiqoobira ammanamakki, Abirihaamira bagamannokkiha baxillekki wonshi.

LUQAASI 3:6

Mannu baalu Maganu gatisaanchimma afanno› yaanni halalla raaranno manchi huurooti» yee coyi'rino garinniiti.

YOHAANNISI 1:17

Seera Muse widoonni qolle uyinoonni; eltonna halaalu kayinni Yesuusi Kiristoosi widoonni hige dayino.

ROOMU SOKKA 10:3

Maganu keereensanno doogo afa hoogansara, uminsanni keeraanchimma hasidhanni, Maganu keeraanchimma hoode dihadhino.

FILIPHISIYUSI SOKKA 3:9

Hatto assoommohu, Seeru aana xintantinota umi'ya keeraanchimma agure, amma'nate aana xintantinota Maganu keeraanchimma Kiristoosi widoonni afi're isi ledo hee'rateeti.

UMI TESELONQE 1:8

Mootichu qaali ki'newiinni kae Meqedooniyanna Akaya iilla calla ikkikkinni, Magano ammana'ne base baalate egennantino. Kunnira ninke wole coye lede coyi'ra dihasiissannonke.

UMI XIMOOTEWOOSI 1:15

«Yesuusi Kiristoosi cubbaataamma gatisara yee tenne gobba dayino» yaanno qaali halaalaanchohonna mannu baalu adha hasiissannoho. Cubbaataammu baalunni rooru cubbaataami aneeti.

YOHAANNIS AJUUJA 22:17

Qullaawu Ayyaaninna idayicho, «Amo!» yitanno. Macciishshannohu baaluno, «Amo!» yoo. Goo'rinohu baalu dayo; hasi'rihu baalu heeshshote waa mittoreno baatikkinni calla adho.