22 Mooticha gatisaancho'ya, rakke kaa'lie.
Kaaliiqa'ya ballo, ate woshshi'reemmona, rakke kaa'lie; atewa hige raareemmo woyite macciishshie.
Lowo baarigaarra woraammate gede gaangeessitinoe; qassanno woraamma Baasaanite gede doyissitinoe;
Kaaliiqi xawaabba'yaatinna gato'yaati; waajjishannoehu ayeti? Kaaliiqi heeshsho'yara goloseetina, masisannoehu ayeti?
Kaaliiqa, eeggatena gatisie; Kaaliiqa rakke kaa'lie.
Mooticha'ya ani gadadaamohonna buxichoho; ati kayinni dihawoottoe; kaa'laancho'yanna gatisaancho'ya ikkoottohura rakke kaa'lie.
Isi callu golo'yaati; gatisaancho'yaatinna, qiisho'yaati; kunnira, dargi'yanni ayino milli diassannoe.
Isi callu golo'yaatinna gatisaancho'yaati; isi qiisho'yaatina dargi'yanni milli assannoehu dihee'ranno.
Magano ane gatisie; Kaaliiqa'ya rakke kaa'lie.
Ani mitiimmaamohonna gadadaamohona, Magano'ya rakke kaa'lie; kaa'laanchi'yanna gatisaanchi'ya ateeti.
Magano'ya! Anewiinni faffooti; Magano'ya! Rakke kaa'lie.
Kaaliiqi gatisaancho'yaati; ani iso hexxeemmo daafira, horonta diwaajjeemmo. Kaaliiqi wolqanna jawaante aannoe; isi gatisaancho'ya ikkanno.
