FAARSO 37:7 - Qullaawa Maxaafa

⁷ Cincite Kaaliiqi assannore agadhi; wolootu duroo'mituro, bunshe assitannorira qiniinsaro giirantooti.

FAARSO 37:7 ပူးပေါင်းရင်းမြစ်များ

ASTEERI 3:15

Moote hajajino garinni, dannawu katamira Suusaho lallawa faajjete egensiinsi. Rahe iillishanno gede sonkoonni mannino sokka gobba baala tuqisi. Dannawu katami Suusa hembeelame hee'reenna mootenna Haama mitteenni ofolte woyinete xajje agganni no.

IYYOOBI 35:14

«Iyyoobi, ati, ‹Ani Magano la"a didandeemmo; haja'ya isi anga noo daafira, ani iso agadheemmo› yaatto.

FAARSO 27:14

Kaaliiqa hexxi; jawaati; wodanikkino kaajjo; Kaaliiqa hexxi.

FAARSO 40:1

Kaaliiqa cincatenni agadhoommo; isino caaqqi yiinoe; raare'yano macciishshie.

FAARSO 50:8

Wo'manka woyite albi'yara shiqishshinanni fushshaatenna, shilqote kakkalo'ne diabbooshshi'roommo.

FAARSO 62:1

Gatisannoehu Magano calla ikkinohura, cince iso agadheemmo.

FAARSO 62:5

Hexxeemmohu isootina, lubbo'ya, ati sammi yite Magano calla agadhi.

LAWISHSHA 20:22

«Rabba qo'lummokkinni diagureemmo» yitooti; kaa'lannohena, Kaaliiqa addaxxi.

ROSIISAANCHO 5:8

Mitte gobbara buxane beebba assi'nannanna halaale dawinsanna affe dhaggeeffattooti. Rooreho rooru no; insa wo'munkura aleenni hige la"annohu no.

ISAYAASI 30:15

Israeelete Qullaawa ikkinohu Mootichu Kaaliiqi, «Higgine sammi yitine ane calla hexxitiniro, jawaantenna gato afidhinanni. «Ki'ne kayinni, ‹Gimboommo.

ISAYAASI 8:17

Albasi Yaiqoobi mininni shawwu assiha ikkiro nafa, Kaaliiqa agadheemmo; isolla hexxeemmo.

ERMIYAASI 12:1

Kaaliiqa'ya, abbooshshi'reemmohe kiirolla, ati keeraanchoho. Xa kayinni taashshate daafira xa'mi'reemmohe; bushu mannira mayira qinaannonsa? Hexxinannikki mannira mayira injaannonsa?

DAANIEELI 11:36

«Aliyye moote hasi'rinore baala wonshanno; umosino maganna baalate aliidiha asse kiiranno; maganna baalate aliidi Magani aana kunni albaanni macciishshine egenninoonnikkiha xonote qaale coyi'ranno. Maganu hedino coyi wo'ma hasiissanno daafira, Maganu hanqi aanasi daa geeshsha assannori qinaannosi. Maganuno hedinore baala assanno.

YOONAASI 1:11

Dambalu lowo geeshsha wolqa lexxanni ha'rino daafira markaawete giddo noo manni, «Dambalu uurranno gede ate ma assinummoro woyyannoha lawannohe?» yee xa'misi.

IMBAAQOOMI 2:3

Himanu wo'manno yanna di"iillitino. Ikkirono himanu wo'manno yanna rakke dagganno; kuni coyino kapho ikke digatanno. Keeshshannoha ikkiro nafa keeshshino gedeenni digatanno. Halaalintanni kuni barri dayikkinni digatannona cincite agari.

GALATIYU SOKKA 6:9

Dancha looso loosa cee'minoonke. Hexxo mudha hoongummoro, yanna iillitanno woyite mixxineemmo.

IYYAASU 10:12

Kaaliiqi Israeele Amooraawoota qeeltanno gede assi barra, Iyyaasu Kaaliiqi ledo hasaawi. Israeeleno affanna, «Gebaooni aana arrishsho e'ukkinni keeshshito! Aganuno Ayalooni lagichira uurro» yii.