FAARSO 37:34 - Qullaawa Maxaafa

³⁴ Kaaliiqa hexxittoro, hajajosino wonshittoro, baatto ragisiiseennahe ayirratto; bushuulluno ba'anna illekkinni la"atto.

FAARSO 37:34 ပူးပေါင်းရင်းမြစ်များ

IYYOOBI 17:9

Keeraano doogonsa aana kaajjite uurritanno; xalala wodana afidhinori wolqa lexxitanno.

FAARSO 112:8

Baarigaarrasi qeelantannota ammanino daafira, diyaadanno; diwaajjanno.

FAARSO 112:9

Buxanete calla aanno; shaqqillisirano dannu dino; wolqanna ayirrinye haraqi'ranno.

FAARSO 25:13

Dironsa baala jirotenni guddanno; oosonsano baatto ragidhanno.

FAARSO 27:14

Kaaliiqa hexxi; jawaati; wodanikkino kaajjo; Kaaliiqa hexxi.

FAARSO 37:3

Uullate aana keere hee'ratto gede, Kaaliiqa addaxxi; dancha coyeno assi.

FAARSO 37:7

Cincite Kaaliiqi assannore agadhi; wolootu duroo'mituro, bunshe assitannorira qiniinsaro giirantooti.

FAARSO 37:9

Bunshe assitannori murantanno; Kaaliiqa hexxitannori kayinni baatto ragidhanno.

FAARSO 91:8

Maganu bushuulle qorichishanna, illekki callatenni la"atto.

FAARSO 92:12

Keeraano saattu gede lattanno; Libaanoosi daguwi gede ikkite lophitanno.

LAWISHSHA 16:17

Keeraanote doogo bunshetewiinni faffinote; doogosi agadhinohu lubbosi agadhinoho.

LAWISHSHA 20:22

«Rabba qo'lummokkinni diagureemmo» yitooti; kaa'lannohena, Kaaliiqa addaxxi.

LAWISHSHA 29:16

Bushuullu gashshituro cubbu bati'ranno; mitto barra kayinni keeraano hakkuri ubbanna illensanni la'anno.

ISAYAASI 57:13

Kaa'lote raartinanniti maganna'ne hanni dagge kaa'litossi'neyya; insa diilallo haadhe sa'annoreeti. Foolu callunni ubbannoreeti; ane hexxannohu kayinni baatto ragi'ranno; Qullaawu Ilaali'ya aanano magansi'rannoe» yii.

MAATEWOOSI 24:13

Goofimarchu geeshsha cince kaajjannohu kayinni gatanno.

LUQAASI 14:11

Isonoo gotti assannohu, heeshshi yaanno; isonoo heeshshi assannohu, gotti yaanno.

MARRO 5:33

Lubbotenni heedhinanni gede, seyanno'ne gedenna ragidhinanni baatto aana seeda diro heedhinanni gede, Kaaliiqi hajajino'nere baala wonshe.

UMI PHEEXIROOSI 1:7

Hakku qarri iillanno'nehu ammana'ne halaalaanchimma buuxateeti. Ba"anno culka nafa giiratenni fonqolle la'nanni; culkunni roore ayirrado ammana'neno hattonni fonqolama hasiissannose. Tini fonqolantinoti ammana'ne Yesuusi Kiristoosi daanno barra galata, ayirrinyenna gaamaarre uyitanno'ne.

UMI PHEEXIROOSI 5:6

Yannasinni gotti assanno'ne gede, wolqaataame Maganu anga woroonni umo'ne heeshshi asse.