FAARSO 37:30 - Qullaawa Maxaafa

³⁰ Keeraanchu afii hayyo rosiisanno; arrawisino taalo coyi'ranno.

FAARSO 37:30 ပူးပေါင်းရင်းမြစ်များ

FAARSO 71:15

Loosikki kiirre gundannikkiha ikkiro nafa, afii'ya barra baala keeraanchimmakkinna gatisaanchimmakki coyi'ranno.

FAARSO 71:24

Gawajjameemmota baxxannori saalfattannonna shollitanno daafira, arrawi'ya barra wo'ma keeraanchimmakki duduwanno.

LAWISHSHA 10:20

Keeraanchu manchi coyi, daashshinoonni birri gedeeho; bushu manchi hedo kayinni mulla haafaho.

LAWISHSHA 10:21

Keeraanchu manchi arrawi lowo manna dhaawanno; gowwootu kayinni wodancha hoogansanni reyitanno.

LAWISHSHA 10:31

Keeraanote arrawinni egenno fultanno; shokkashshu arrawi kayinni muramanno.

LAWISHSHA 15:7

Egennaamu arrawi egenno halashshanno; gowwootu hedo kayinni hattoota di"ikkitino.

LAWISHSHA 27:9

Buurunna su'naru wodana tashshi assanno; danchu manchi amaaleno hatto hagiirsiissanno.

MAATEWOOSI 12:35

Danchu manchi danchu miinjisi giddonni dancha coye fushshanno; bushu manchi bushu miinjisi giddonni busha coye fushshanno.

EFESOONI SOKKA 4:29

Afii'nenni bushu coyi fuloonke. Wole manna hasiisinonsa garinni dhaawatenna macciishshitannorira qiniite ikkanno gede dancha coye coyidhe.

QOLASIYAASI SOKKA 4:6

Mittu mittunkura labbanno dawaro qola dandiitinanni gede, coyi'ne wo'manka woyite coomminohanna gumu nooha ikko.