FAARSO 37:11 - Qullaawa Maxaafa

¹¹ Shaqqaddu kayinni baatto ragidhanno; atootenna keere afidhe hagiidhitanno.

FAARSO 37:11 ပူးပေါင်းရင်းမြစ်များ

FAARSO 119:165

Seerakki baxxannorira co'o yiino keeri noonsa; horontanni mittu coyino sarraaqansara didandaanno.

FAARSO 25:13

Dironsa baala jirotenni guddanno; oosonsano baatto ragidhanno.

FAARSO 36:8

Mannakki gooffannokki sagalenni duushshatto; hagiirru xashshono hayikkisattonsa.

FAARSO 72:7

Isi gashshooti yannara keeraano qawaaxxidho; aganu ba"a geeshsha jiro batidho.

ISAYAASI 26:3

Kaaliiqa, ate hexxatenni kaajjite heedhannorira, wo'ma keere aattonsa.

ISAYAASI 48:18

Hajajo'ya seekkitine macciishshitinoonniha ikkoommero, keeru moolannokki wayi gede, keeraanchimmano baaru dambali gede ikkite heedhanno'ne.

ISAYAASI 57:13

Kaa'lote raartinanniti maganna'ne hanni dagge kaa'litossi'neyya; insa diilallo haadhe sa'annoreeti. Foolu callunni ubbannoreeti; ane hexxannohu kayinni baatto ragi'ranno; Qullaawu Ilaali'ya aanano magansi'rannoe» yii.

MAATEWOOSI 5:5

Jooguullu ba'raadhinoreeti; baattono ragidhannona.

YOHAANNISI 14:27

«Keere'ya ki'newa woreemmo; keere'ya eemmo'ne. Ani eemmo'ne keeri tini gobba uyitanno'nehu gedeeha di"ikkino. Wodani'ne masoonke; waajjitinoonte!

MARRO 5:33

Lubbotenni heedhinanni gede, seyanno'ne gedenna ragidhinanni baatto aana seeda diro heedhinanni gede, Kaaliiqi hajajino'nere baala wonshe.

FILIPHISIYUSI SOKKA 4:7

Mannu hedora aleenni ikkinohu Maganu keeri, Kiristoosi Yesuusinni wodana'nenna hedo'ne agaranno.

UMI XIMOOTEWOOSI 6:11

Maganu mancho! Ati kayinni kunni baalu coyiwiinni xooqi; keeraanchimma, ayyaanaame heeshsho, ammana, baxille, cinca, arshimma ha'runsi.

YAIQOOBI 1:21

Kunnira battetenna bunshete batinye baala huntine, Maganu wodani'ne giddo kaasinohanna lubbo'ne gatisa dandaanno qaale joongillunni adhe.

YAIQOOBI 3:13

Ki'ne giddo hayyichunna egennaamu ayeti? Hayyotenninna joongillunni loosinoha dancha looso heeshshosinni leellisho.