FAARSO 36:9 - Qullaawa Maxaafa

⁹ Ati heeshshote buichootina, xawaabbikkinni xawaabba la'neemmo.

FAARSO 36:9 ပူးပေါင်းရင်းမြစ်များ

IYYOOBI 29:3

Hatte yannara, tunsichu giddo noommo woyite, Maganu caabbichi ha'reemmo doogo kulinoe.

FAARSO 27:1

Kaaliiqi xawaabba'yaatinna gato'yaati; waajjishannoehu ayeti? Kaaliiqi heeshsho'yara goloseetina, masisannoehu ayeti?

FAARSO 65:5

Magano gatisaanchonke! Dhegge loosse dawaro qoloottonke; baara widoonni noorinna baattote qaccera heedhannori baalu ate hexxitanno.

LAWISHSHA 4:18

«Keeraanote doogo, soodo arrishsho gedeete; barri taalooti geeshsha lexxitanni hadhanno.

ISAYAASI 12:3

Gatisaanchimmasi mannasi, buetenni hinkii'linanni wayi gede hagiirsiissanno» yitinanni faarsitinanni.

ISAYAASI 2:5

Ki'ne Yaiqoobi sirchi amme, Kaaliiqi aannonke caabbichi giddo hee'nona.

ISAYAASI 60:19

«Kunni ka'a barrira arrishsho, hashshira aganu dihasiisannohe. Ani Kaaliiqi hegere xawaabba ikkeemmohe; ayirrinyi'yano ate aana xawanno.

ERMIYAASI 2:13

Ki'ne manni'ya 2 cubbo loossinoonni; heeshshote buicho ikkoommoha ane agurtinoonnie; waa ki'annokkita foonfa balla u'mitinoonni» yii.

MILKIYAASI 4:2

Hajajantinannierira ki'nera kayinni gatote arrishsho fultanno'ne; qolteno hursitanno'ne. Ki'neno fafisidhine usurunni tirroonni siitti gede ikkitine burraaqqinanni.

YOHAANNISI 4:10

Yesuusi qole, «Maganu eltonna, ‹Ageemmo waa uue› yaannohehu ayetiro afoottaha ikkoommero, iso huucci'ratta; isino atera heeshshote waa aannohehu baino» yiise.

YOHAANNISI 4:14

Ani eemmo waa agannohu kayinni hegere geeshsha digoo'ranno; ani eemmo waa agannohu, hegere heeshsho uyitanno buicho giddosinni fultannoha ikkanno» yii.

YOHAANNISI 8:12

Qoleno Yesuusi, «Ani baattote aana noo mannira xawaabbaho; ane hoode ha'rannohu heeshshote xawaabba afi'ranno ikkinnina tunsichoho diha'ramanno» yii.

LAYINKI QORONTOOSI 4:6

«Tunsichoho caabbichu xawo» yiino Magani, Kiristoosi daninni xawannoha Maganu ayirrinye afate xawaabba aankera caabbichosi wodaninke giddo xawisino.

YAIQOOBI 1:17

Dancha eltonna wo'mu atooti baalu Maganuwiinniiti. Kuni daannohu caalu gede doyannokkihu woy soorramannokkihu xawaabbu Anni Maganuwiinniiti.

UMI PHEEXIROOSI 2:9

Ki'ne kayinni tunsichunni maala'linanni caabbichiwa woshshino'ne Maganiha dhaggete looso kultinara doorantinoonni ilamaati; mootete qeesootaati; qullaawa mannaati; isira baxxitinoonni gosaati.

UMI YOHAANNISI 1:7

Isi xawaabbaho hee'rannonte gede ninkeno xawaabbaho hee'nummoro, mimmitinke ledo mittimma heedhannonke. Qoleno Beettisi Yesuusi mundee cubbu baalunni keereensitannonke.

YOHAANNIS AJUUJA 21:23

Maganu ayirrinyi xawanno daafiranna Ge'rechu caabbicho ikkino daafira, katamaho aganu woy arrishshote xawaabbi dihasiisanno.

YOHAANNIS AJUUJA 21:6

Hakkunni gedensaanni, «Kune wo'mino! Umihunna goofimarchunnihu, albihunna gedensihu aneeti. Goo'rinohura heeshshote buichonni mittoreno baantikkinni mulla eemmosi.

YOHAANNIS AJUUJA 22:17

Qullaawu Ayyaaninna idayicho, «Amo!» yitanno. Macciishshannohu baaluno, «Amo!» yoo. Goo'rinohu baalu dayo; hasi'rihu baalu heeshshote waa mittoreno baatikkinni calla adho.