FAARSO 36:2 - Qullaawa Maxaafa

² Isonoo ale tuqqanno daafira, Maganu cubbosi afannohanna hanqannosiha dilawannosi.

FAARSO 36:2 ပူးပေါင်းရင်းမြစ်များ

FAARSO 10:3

Wodanisi halchonni adawadhanno; honqooqicha maassi'ranno; Maganono seyatanno.

FAARSO 49:18

Lubbotenni hee're qawaaxxi'rironna, qiniitisinni kainohunni mannu jajisiro nafa,

ERMIYAASI 17:9

Mannu wodani baalunkurinni roore xagaraamoho; diinofayyannoho; giddosireno afannohu dino.

ERMIYAASI 2:23

‹Umonke dibatteessinoommo; kaphu maganira Ba"aalira horonta dikumbuulloommo› yitine mayira morontinanni? Lagichaho cubbo loossine assitinoonni batte hanni la'e; labbaa gaala hasidhanni raataabbanno gaala gede, ki'neno wole maganna magansi'rate hatto ikkitinoonni.

ERMIYAASI 36:24

Mooteno ikko ledosi noo gashshaano konne qaale macciishshite horonta diwaajjitino; dadillitinota egensiisate imaanansano didartino.

LUQAASI 10:29

Seeru rosiisaanchi isonoo seekki'ranni, «Eli'ya ayeti?» yii.

ROOMU SOKKA 10:3

Maganu keereensanno doogo afa hoogansara, uminsanni keeraanchimma hasidhanni, Maganu keeraanchimma hoode dihadhino.

ROOMU SOKKA 3:9

Hatto ikkiro ninke Ayihude dagatewiinni woyyineemmo coyi noonke yaateni? Horonta hatto di"ikkino! Ayihudeno ikkito daga, mannu baalu cubbaataamo ikkinota balaxe coyi'roommo.

ROOMU SOKKA 7:9

Alba ani Seera afummokkinni heeshsho afi're hee'roommo. Seeru hajajo afummo yannara kayinni cubbu wolqa afi'rino; anino reyommo.

MARRO 29:19

«Techo ninke mereero hee're tenne lowo geeshsha kaajjado hajajo macciishshe kae wodana mokkookke umisi doogo ha'rannohu hee'riro, ‹Baalunku coyi qinaannoe› yee umosi dogannokki gede agadho. Hattoo manchi danchunna bushu mannira bao abbanno.