FAARSO 34:8 - Qullaawa Maxaafa

⁸ Kaaliiqi shaqqado ikkinota shiqqine la'e; iso golosi assi'rino manchi ba'raa'rinoho.

FAARSO 34:8 ပူးပေါင်းရင်းမြစ်များ

FAARSO 119:103

Qaalikki hiitto coommannoho! Malawu leonni roore coommannoho.

ERMIYAASI 31:14

Qeesootaho dancha sagale duushsheemmo; manni'yarano elto'ya batiseemmo. Konne coye coyi'roommohu ani Kaaliiqaati» yii.

FAARSO 63:5

Adonna buuro aginohu gede hagiidheemmo; ateno galatunni faarseemmo.

FAARSO 84:12

Olantote Kaaliiqa! Ate hexxitannori baraadhinoreeti.

ZAKKAARIYAASI 9:17

Mannu gobbate danchummanna biinfille maala'lanno; aju manni tenne dancha gobba sagalenninna, haaro woyinete xajjenni kaajje lophanno.

FAARSO 36:7

Kaaliiqa'ya, bagamannokkihu baxillikki maala'linanniho; mannu baalunku qoolikki caalira fooliishshi'ranno.

FAARSO 36:10

Bagamannokkiha baxillekki egentinoherira, shaqqillekki wodana subbinorira dirrisinsa.

FAARSO ROORE FAARSO 5:1

Ayirrado rodoo'ya, idayicho'ya, kuneeti kaashshi'ya dargira eoommo; kaarbe'yanna shitto'ya daraaro xinqi'roommo; malawi'ya leo qasonte ledo itoommo; woyinete xajje'yanna ado'ya agoommo. Ki'ne baxillaasine, baxillunni kassi yitina geeshsha itte, agge.

FAARSO 2:12

Hanqisi rahe daye hunanno'nekki gedenna, ki'neno hedeweelcho ba'inannikki gede isira kumbuulle. Iso golo assidhannori baraadhinoreeti.

FAARSO ROORE FAARSO 2:3

Baxillaanchi'ya wolu wedelli ledo taashshiniro, dubbu giddo laalanno haqqichi gedeeho; anino hagiidhanni caalisi hunda fooliishshi'roomma; laalosino coommitannote.

FAARSO 52:1

Ati wolqaataamo mancho! Bunshekkinni mayira naaxxatto? Wo'manka woyite mayira sao assatto?

KALAQAMA 48:16

bushu coyi baalunkunni gatisittoe sokkaasinchi, tenne ooso maassi'ri. Anehu, annuwa'ya Abirihaaminna Yisihaaqi su'mino, insanni woshshamo; insano baattote aana batidho» yee maassi'rinsa.

DAANIEELI 3:28

Hakkunni gedensaanni moote Nabukadanatsoori, «Sidiraaqi, Misaaqinna Abidinaago Magani galatamo! Isi sokkaasinchosi soye soqqamaanosi gatisino. Insa Maganonsa addaxxite, iso agurranna wole magannara kumbuultannokki gede mootete hajajo gibbe lubbonsa sayisse uyitino.