FAARSO 34:4 - Qullaawa Maxaafa

⁴ Kaaliiqa huucci'rummo, isino dawarie; waajjishannori baalunkunnino gatisie.

FAARSO 34:4 ပူးပေါင်းရင်းမြစ်များ

LAYINKI DUDUWO 15:2

Isino fule Aasanni xaade, «Moote Aasa, ati Yihudunna Biiniyaami ga're baala yeemmo'nere macciishshe! Ki'ne Kaaliiqi ledo heedhiniro, isino ki'ne ledo hee'ranno. Hasidhinisiro afidhinannisi; agurtinisiro kayinni isino aguranno'ne.

FAARSO 18:6

Shetummo yannara, Kaaliiqa woshshi'rummo; kaa'laera Magani'yawa hige raarummo; Qullaawu Minisira hee're, qoonqo'ya macciishshi; raare'yano isiwa iillitu.

FAARSO 22:24

Qarraataamo dimishanno; lashshino diassanno; albasino isiwiinni shawwu diassanno; isiwa raaranno woyite macciishshannosi.

FAARSO 31:22

Ani masillunni kainohunni, albikkinni xeerti'roommoha lawinoe; atewa hige raarummota kayinni, huuccatto'ya macciishshittoe.

FAARSO 35:27

Keeraanchimma'ya affara baxxannorira kayinni, tashshi yoonsa; wo'manka woyite hagiidhitanni, «Soqqamaanchisi keere baxannohu Kaaliiqi, ayirradoho» yito.

FAARSO 40:17

Mooticha'ya ani gadadaamohonna buxichoho; ati kayinni dihawoottoe; kaa'laancho'yanna gatisaancho'ya ikkoottohura rakke kaa'lie.

FAARSO 46:2

Kunnira, baatto shafanturo, ilaallano marte baaru giddo ubburo diwaajjineemmo;

FAARSO 56:3

Waajjillu amadannoe yannara, ate addaxxeemmo.

ISAYAASI 12:2

Kaaliiqi gatisaancho'yaati; ani iso hexxeemmo daafira, horonta diwaajjeemmo. Kaaliiqi wolqanna jawaante aannoe; isi gatisaancho'ya ikkanno.

YOONAASI 2:2

«Kaaliiqa'ya, qarrame hee're ate woshshi'roommo; atino yee yoottoe. Kaa'lo afi'rate yee, jeennaatu giddo raaroommo; atino raare'ya macciishshoottoe.

MAATEWOOSI 7:7

Yesuusi qole, «Huuccidhe, uyinanni'nena; hasidhe, afidhinannina; woshshidhe fannanni'nena.

LUQAASI 11:9

«Anino, ‹Huuccidhe, uyinanni'nena. Hasidhe, afidhinannina. Waalcho ganganne fannanni'nena› yeemmo'ne.

LAYINKI XIMOOTEWOOSI 1:7

Maganu wolqanniha, baxillunnihanna umo qee'late Ayyaana ikkinnina waajjillu ayyaana diuyinonke.

IBIRAAWOOTA 5:7

Yesuusi tenne gobbara mannu gede ikke hee'ri yannara, reyotenni gatisasira dandaanno Magani widira hige qoonqosi naggi asse wi'le lowo hindiiddonni huucci'ri. Maganu joongillesinna owaantesi lae huuccattosi macciishshisi.

UMI SAAMUEELI 27:1

Daawiti kayinni wodanisinni, «Mitto barra Saaooli anga reya'ya digattannona, Filisxeemete gobba ba"a woyyitannoe. Hakkunni gedensaanni Saaooli Israeelete gobbara ane shorra aguranno; anino keere hee'reemmo» yee hedi.