FAARSO 33:2 - Qullaawa Maxaafa

² Kaaliiqa gingilaatunni galattesi; baganunnino faarsesi.

FAARSO 33:2 ပူးပေါင်းရင်းမြစ်များ

LAYINKI SAAMUEELI 6:5

Daawitinna Israeelete manni baalu bagana, maasinqo, dibbe, tsenaatsilenna bilbila gananni Kaaliiqi albaanni wo'ma wolqanni faarsanninna kubbanni ha'ri.

UMI DUDUWO 15:16

Daawiti roduuwinsa giddonni baganunni, maasinqotenninna tsenaatsiletenni hagiidhitanni faarsitannore wortanno gede albissanno Leewaawoota hajaji.

UMI DUDUWO 15:28

Kunni garinni Israeelete manni baalunku buudunnihanna siwiilu xurumba ufuufanni, tsenaatsile gananni, maasinqonna bagana gananni hagiidhanninna ilillisanni Gondooru Taaboota duhe Yerusaalame abbi.

UMI DUDUWO 25:3

Gedaaliya, Tseeri, Yishaiya, Shimi"i, Hashaabiyanna Matiitiya yinanniri 6 Yidutuni oosooti. Insano anninsa albisanna baganunni dukkinseenna Maganu sokka kultanno. Qolteno galatunninna faarsotenni Kaaliiqa ayirrissanno.

UMI DUDUWO 25:6

Labballi oososi baalanti Qullaawa Mine magansi'nanni seera wonshate anninsa albisanna tsenaatsile gantanno. Maasinqonna baganano gantanno. Asaafi, Hemaaninna Yidutuni qolte moote hajajannore assitanno.

FAARSO 144:9

Magano'ya, haaro faarso faarseemmohe; bagana gananni faarseemmohe.

FAARSO 149:3

Su'masi hagiirrunni galatte; dibbenna bagana gantinanni galattesi.

FAARSO 71:22

Anino halaalaanchimmakki daafira, baganunni galateemmohe. Israeelete Qullaawa Magano! Maasinqotenni faarseemmohe.

FAARSO 92:3

Baganunni, maasinqotenninna gingilaatunni, atera galata shiqisha danchate.

FAARSO 92:4

Kaaliiqa'ya! Loosikkinni hagiirsiisoottoena, loosootto loosira hagiirrunni faarseemmohe.

FULO 15:20

Aarooni rodoo himanaancho Maariyaami dibbe haadhe fultuta, wolu meentino dibbe gananninna hechemmo kadanni hoodese fuli.

YOHAANNIS AJUUJA 14:2

Lowo wayi foonchihunna banqote beleqi luuli gordunni daanna macciishshummo. Macciishshummo luuli gingilaatu gede suunannoho.

YOHAANNIS AJUUJA 5:8

Xaanxoonniha borrote goga haa'rita, shoolunku kalaqaminna lemiina shoolunku geerri Ge'rechu albaanni kumbuultu. Mittu mittunku anga bagana haadhe no. Qolteno qullaawu manni huuccatto ikkinohu hixaanu giddo wo'minoha culkunni seekkinoonni uduunnicho amadde no.