FAARSO 32:3 - Qullaawa Maxaafa

³ Cubbo'ya ifaaxxoommokki yannara, wo'ma woyite wi'lummo; miqqa'yano daaqque.

FAARSO 32:3 ပူးပေါင်းရင်းမြစ်များ

LAYINKI SAAMUEELI 11:27

Wi'la gooffeenna xidda qasidhuhu gedensaanni, Daawiti soye minisira dagganno gede assise. Iseno dagge galte ikkite labbaa beetto iltusi. Ikkollana, Daawiti assino coyi Kaaliiqi albaanni diseyino.

IYYOOBI 3:24

Sagalete darga dadille hurbaaxxeemmo daafira, shetto'ya raareno lolahanno wayi gedeete.

IYYOOBI 30:17

Hashsha hashsha bodi're miqicho daakkannoe; quruuxanno dhibbi faro diaannoe.

IYYOOBI 30:30

Kolishshi'rinohu gogi'ya sholoolame ho'lino; bisi'ya fooggalunni giiramino.

FAARSO 22:1

Magano'ya! Magano'ya! Mayira agurittoe? Anewiinni mayira xeerti'ritto? Raare'ya macciishshite mayira gatisa giwittoe?

FAARSO 38:3

Hanqikkinni kainohunni maali'ya difayyino; cubbi'yanni kainohunni manninati'ya keere diafi'rino.

FAARSO 38:8

Lowo geeshsha daafure shaqqoommo; dhibbunni kainohunni hakankaroommo;

FAARSO 51:8

Hisachishannorenna tashshi assannore macciishsheemmo gede assie; hiiqqoottoti miqqa'yano hagiidhito.

FAARSO 6:2

Kaaliiqa ballo, wolqiweeloommona mararie. Mikita'ya daaqqinona jawaachishie.

LAWISHSHA 17:22

Hagiirraamu wodani mannimmate fayyimma aanno; dadillaamu wodani kayinni mannimma maniissanno.

LAWISHSHA 28:13

Cubbosi maaxannohu dilatanno; aagintaawannohunna agurannohu kayinni maaro afi'ranno.

ISAYAASI 51:20

Oosokki woshshaado amaddino bullichi gede, shaqqite madde baalate ubbino. Kaaliiqi hanqinna, Maganikki rufa dirrite amaddannonsa.

ISAYAASI 57:17

Cubbinsanninna hagaagansanni kainohunni hanqoommonsa; hanqe alba'ya insawiinni shawwu assoommo; insa kayinni hadhanni noo doogo aaninni higa gibbino.

ISAYAASI 59:11

Ninke baalunku halaalenna gato afi'rate, aaraambe dagunchu gede harqineemmo. Dadilline lembooli gede gurura'neemmo; ikkollana ninkewiinni faffino daafira diafi'neemmo.

ERMIYAASI QURTO 1:3

Yihudu manni lowo qarrinna borojjimmate loosi gedensaanni, gobbansanni qafadame ha'rino. Hadhe wole gosa ledo heedhino; fooliishshidhannowano diafidhino. Gadadissannonsari qarru giddo heedheenna dagge, fultannokki gede assite amaddinonsa.

ERMIYAASI QURTO 3:4

Goga'yanna maala'ya shoccoorraamo assino; miqqa'yano hiiqqaqqino.

ERMIYAASI QURTO 3:8

Kaa'lo afi'rate qoonqo'ya naggi asse raarummoro nafa, Maganu raare'ya macciishsha dihasi'ranno.

HOOSEI 7:14

Daallasinsa aana haabbe raartannota ikkinnina wodaninsanni anewa higge dihuuccidhanno. Gidenna woyinete xajje afidhara kayinni dagate gede bisonsa huduuxxitanni huuccidhanno; ane aanano mokkookkitanno.

UMI SAAMUEELI 31:13

Miqqansa kayinni massite tamaarisiki haqqicho hunda madaarte, ita aga agurte 7 barra keeshshitu.