FAARSO 32:10 - Qullaawa Maxaafa

¹⁰ Bushuullu lowo qarri aana ubbanno; Kaaliiqa addaxxitannore kayinni maaro doyissitannonsa.

FAARSO 32:10 ပူးပေါင်းရင်းမြစ်များ

FAARSO 11:6

Bushuullu aana ruqanonna giirate buwano dirrisanno. Giirtanno diilallo abbe aanaho ganannonsa.

FAARSO 140:11

Woloota beebbatenni gereertannorira qinoonkensa; mararro nookkire bushu coyi daneessonsa.

FAARSO 146:5

Yaiqoobi Magani kaa'laanchosi ikkinosihuranna, Maganosi Kaaliiqa hexxino manchira tashshi yoosi.

FAARSO 147:11

Isi ayirrissannosirinninna, bagamannokki baxillesi addaxxitannorinni hagiidhanno.

FAARSO 16:4

Wole maganna hoode doddannorira qarru bati'rannonsa; ani kayinni kakkalonsara dikarsameemmo; magannansano dimagansi'reemmo.

FAARSO 2:12

Hanqisi rahe daye hunanno'nekki gedenna, ki'neno hedeweelcho ba'inannikki gede isira kumbuulle. Iso golo assidhannori baraadhinoreeti.

FAARSO 34:8

Kaaliiqi shaqqado ikkinota shiqqine la'e; iso golosi assi'rino manchi ba'raa'rinoho.

FAARSO 40:4

Kaaliiqa addaxxitannori, boonaleeyyete ledo hossannokkirinna kaphu maganna magansidhannokkiri maassantinoreeti.

FAARSO 5:12

Kaaliiqa, ati keeraano maassi'ratto; wonqote gede baxillikkinni golattonsa.

FAARSO 84:12

Olantote Kaaliiqa! Ate hexxitannori baraadhinoreeti.

LAWISHSHA 13:21

Qarru cubbaataammu hoode ha'ranno; keeraano kayinni dancha coye afidhanno.

LAWISHSHA 16:20

Kulloonnire macciishshannohu dancha coye afi'ranno; Kaaliiqa addaxxannohu ba'raa'rinoho.

ROSIISAANCHO 8:12

Cubbaataammu xibbe higge cubbo loossanni seeda diro heedhuro nafa, halaalunni Magano waajjitannorira kayinni woyyannonsata afoommo.

ISAYAASI 3:11

Sao assitannori kayinni wolootu aana assitino sao daafira malinonsa qoricha adhitannona insara aanne'e!

ISAYAASI 57:21

Bushuulleho keeru dinonsa» yaanno.

UMI XIMOOTEWOOSI 6:10

Kuni ikkannohu woxe baxa bunshe baalate buicho ikkitinohuraati.