FAARSO 32:1 - Qullaawa Maxaafa

¹ Saosi agurroonnisihu, Maganu cubbosi haa're hoolinosihu ba'raa'rinoho.

FAARSO 32:1 ပူးပေါင်းရင်းမြစ်များ

LAYINKI SAAMUEELI 12:13

Daawitino Naataanira daware, «Kaaliiqi aana sao assoommo» yii. Naataanino Daawitira qole, «Kaaliiqi cubbokki agurannohena direyatto.

NEHIMIYA 4:5

Bushu loosinsa daafira maartootinsa. Diigaminoha huxxinanna xontinonkena, cubbonsa habbooti» yee huucci'rummo.

FAARSO 103:3

Cubbo'ya baala agurannoe; dhibba'ya baala hursannoe.

FAARSO 106:3

Hajajosi wonshitannorinna, wo'manka woyite halaale loossannori, hiitto baraadhinoreeti!

FAARSO 128:1

Kaaliiqa ayirrissannorinna hajajosi agadhitannori, ba'raadhinoreeti.

FAARSO 40:4

Kaaliiqa addaxxitannori, boonaleeyyete ledo hossannokkirinna kaphu maganna magansidhannokkiri maassantinoreeti.

FAARSO 42:1

Bulaa buichote waa sinsinnaabbannonte gede, Magano! Hattonni lubbo'ya ate sinsinnaabbanno.

FAARSO 45:1

Wodani'ya dancha coye malanno; geewo'yano mootete kuleemmo; arrawi'ya rahino borreessaanchi biire gedeeho.

FAARSO 52:1

Ati wolqaataamo mancho! Bunshekkinni mayira naaxxatto? Wo'manka woyite mayira sao assatto?

FAARSO 53:1

Hawanyootu wodaninsanni, «Maganu dino» yitanno; baalunku battaabbino; hashakki'nanni cubbo assitanno; dancha coye assannohu dino.

FAARSO 55:1

Magano'ya ballo, huuccatto'ya macciishshi; eegama'yano lashshi assitooti.

FAARSO 84:12

Olantote Kaaliiqa! Ate hexxitannori baraadhinoreeti.

FAARSO 85:2

Mannikki cubbono maarootto; saonsa baala aguritto.

FAARSO 89:15

Ate faarsotenni galattannoherinna xawaabbikki giddo heedhannori hiitto baraadhinoreeti!

ISAYAASI 1:18

Qoleno Kaaliiqi, «Amme hanni mala hansona! Cubbi'ne duumo xiille ikkirono ani hayishshe bullaame kaade gede asseemmo'ne. Mundeete gede duu'mirono suqqinoonni fuutti gede xabbinanni gede asseemmo'ne.

ISAYAASI 43:25

Tenne baalante giddoonni, cubbo'ne agureemmo'nehu Magani'ne aneeti. Konne asseemmohuno ki'ne daafira ikkikkinni, su'mi'yara yeeti; kunnira cubbo'ne dikiireemmo.

ISAYAASI 44:22

Cubbokki gomichu gede malalli asseemmo; saokkino soodo guunjo gede asse hooleemmo; gatisoommohehu aneetina, anewa higi» yaanno.

MAATEWOOSI 16:17

Yesuusino, «Yoona Beetto Simiooni, ba'raa'rootto! Konne coye gordoho hee'rannohu Anni'ya xawisinohe ikkinnina mannu dikulinohe.

LUQAASI 11:28

Yesuusi qole, «Maassantinori Maganu qaale macciishshite hajajantannoreeti» yii.

YOHAANNIS AJUUJA 22:14

Heeshshote haqqicho laalo itatenna waalchuwate widoonni hige katama ea dandiitanno gede, uddanonsa hayishshidhannori ba'raadhinoreeti.