FAARSO 31:8 - Qullaawa Maxaafa

⁸ Baarigaarra'ya angara sayisse dioottoe; qarru nookkiwa faffote darga massite woroottoe.

FAARSO 31:8 ပူးပေါင်းရင်းမြစ်များ

IYYOOBI 16:11

Maganu bushu mannira sayise uyinoe; kaajjaddu anga tuginoe.

IYYOOBI 36:16

Maganu ate, qarru giddonni fushshannohe; keerunni hee'ratto gedeno assannohe; minekki dancha sagale wo'mitanno.

FAARSO 10:14

Ati Maganu kayinni qarranna shetto la"atto; wo'manka woyite towatate qixxaawaho; hawaaxamu irkisattosira atewa shiqanno; annanna ama hoogginoreno ati kaa'latto.

FAARSO 18:19

Baxinoe daafira, qarru giddonni fushshe, faffote darga masse worinoe.

FAARSO 4:1

Halaalaancho Magano'ya, woshshi'reemmohe woyite dawarie. Shetummo yannara kaa'loottoena, xaano mararie; huuccatto'yano macciishshie.

FAARSO 88:8

Callateemmo gede egentinoere anewiinni xeertisootto; insa albaanni diqatamoommoha assoottoe; ragu baalu huxxameenna fuleemmo farono hoogoommo.

FULO 2:25

Maganu Israeelete manni widira lae, shettote giddo noota afe kaa'lansara hasi'ri.

ISAYAASI 19:4

Gibitsoota mararannokkihura kaajjadu mootera sayise eemmo. Konne coye coyi'roommohu ani Olantote Mootichi Kaaliiqaati» yaanno.

MARRO 26:7

Hatte yannara, annuwanke Magani Kaaliiqiwa hinge raarroommo. Kaaliiqino raarenke macciishshino. Shettonke, qarrankenna gadadonkeno laino.

MARRO 32:30

Wolqaataamu Magani callachisha hoogoommensaro, Kaaliiqi facci asse agura hoogoommensaro, kume manna mittu manchi, tonne kume lamu manchi, hiitto asse qeelara dandaanno?

UMI SAAMUEELI 17:46

Kaaliiqi techo ate anga'yara sayise aannohe; anino gane kare goowakkino mure tayiseemmo. Techo barrinni Filisxeemete olanto reeshsha allaattetenna moyichoho eemmo. Daga baalano Maganu Israeelete ledo noota affanno.

UMI SAAMUEELI 24:18

Assoottoe danchumma kune techo leellishoottoe. Kaaliiqi ane angakkira sayise ee hee'reennanni ati kayinni dishoottoe.

UMI SAAMUEELI 26:8

Abisano Daawiti, «Techo Maganu diinakki angakkira sayise uyinohena, layinki assummokkinni mitteege urdetenni baattote ledo xaadise agureemmona agari» yii.