FAARSO 30:11 - Qullaawa Maxaafa

¹¹ Ati dadille'ya hagiirreho soorrootto; xidda'ya qasse hagiirre uddisiisoottoe.

FAARSO 30:11 ပူးပေါင်းရင်းမြစ်များ

KALAQAMA 37:35

Oososinna seennisi baalunku sheshifachishshasira daggu. Isi kayinni «Manchite hee'renni beetti'yawa jeennaate dirreemmo» yee sheshifata giwi. Kunnira manchitanni hee'ri.

KALAQAMA 45:28

Yaiqoobino, «Beetti'ya Yooseefi xaa geeshsha lubbotenni nooro ikkie; reyummokkinni afeemmosi gede xa ha'reemmo» yii.

LAYINKI SAAMUEELI 6:14

Daawiti shaalado shalonni gannoonnita qeesimmate uddano halloho xaaxi're, wo'ma wolqasinni Kaaliiqi albaanni qeexaa'li.

LAYINKI DUDUWO 20:12

Maganonke, tenne gawajjitanni noonketa bati'ra olanto hoo'late ninke wolqa diafi'noommona, ati insa qorichishi! Atewa hinge raara agurranna, assineemmore mittoreno dianfoommo» yii.

LAYINKI DUDUWO 20:3

Iyosaafiixino lowo geeshsha waajjino daafira yaannosire afate Kaaliiqa huucci'rate hedi. Mannuno ita aga agure Kaaliiqa huuccanno gede Yihuda baalaho lallawi.

LAYINKI DUDUWO 20:9

Hatto assinohuno, ‹Qarru amadinkero: Olu kairo, dhibbu woy hude dagguro, ate su'ma woshshinanniwa kunni Minira albaanni dange qarrunni fushshattonke gede huucci'neemmohe. Atino macciishshite gatisattonke› yee hedeeti.

NEHIMIYA 8:10

Isino, «Xa mini mini'nera hadhine noo'neta dancha sagalenna ago buxanete ledo beeqqitine ittinanninna agginanni hagiidhe. Techo Maganinke Kaaliiqira baxxinoha qullaawa barra ikkino daafira dadillitinoonte. Kaaliiqi hagiirri wolqa'neeti» yiinsa.

ASTEERI 9:22

Tini barruwa Ayihude diininsa anganni gatte fooliishsho afidhinote. Dadillunninna yaaddotenni fulte hagiirrenna harshammo afidhinohu kunni aganiraati. Tenne barruwanni ayyaana assidhe hagiidhitanninna ji'litanni, mimmitohono sagale afanshitanninna buxaneteno afansha uyitanni ayirrissanno gede kulinsa.

FAARSO 149:3

Su'masi hagiirrunni galatte; dibbenna bagana gantinanni galattesi.

FAARSO 150:4

Dibbetenninna hagiirrunni galattesi; kiraaretenninna suusulletenni galattesi.

FAARSO 27:7

Kaaliiqa ballo, raare'ya macciishshie; mararie, huuccatto'yarano dawaro qolie.

FAARSO 30:5

Hanqisi shiima yannaraati; shaqqillisi kayinni hegereraati. Hashsha wi'linanni galliro nafa, soodanno woyite hagiirre afi'nanni.

FAARSO 4:7

Anera oottoe hagiirri, wolootu lowo gidinninna lowo haaro woyinete xajjenni afidhannohunni rooreho.

ROSIISAANCHO 3:4

Dadillate yanna no; hagiidhate yanna no. Wi'late yanna no; sirbate yanna no.

ISAYAASI 25:3

Wolqaataame gosa ayirrissannohe; kaajjado daga katammano waajjitannohe.

ISAYAASI 25:8

Mootichu Kaaliiqi reyo co'o asse hunanno; mannu baalunku albinni hindiiddo feyanno; mannisi kalqe baalate adhino shollinye aaninsanni hoolanno. Konne coyi'rinohu Kaaliiqaati.

ISAYAASI 61:10

Anera Kaaliiqinni tashshi yaannoe; lubbo'ya Magani'yanni lowo geeshsha hagiidhitanno. Uddisiisinoeti gatote uddano, seenne adhanno beetti umoho wodhino ba'lattonna, adhantanno beetto wodhitino irri gede biiffinote; keeraanchimmate seemmano aanaho ledinoe.

ISAYAASI 61:3

Tsiyooni wi'litanni noorira, buluulu darga seesu ba'latto worammonsara, hindiiddote darga hagiirru zayite, umoho dunammonsara, dadillu darga galata tuulachishammora soyinoe. Kuri ayirrinyesi xawissanno gede Kaaliiqi kaasinoreeti; insa, Keeraanchimmate Haqqeeti yinanninsa.

ERMIYAASI 31:4

Baxeemmohe Israeele! Ani galagalche dhaaweemmohe; atino dhaawamatta. Dibbe gantanni hagiirrunni kubbatta.

ERMIYAASI 52:33

Yoakiini usuru mini imaana soorri're, reya geeshsha mootete ledo itanno gede assinoonnisi.

LUQAASI 15:22

Annu kayinni soqqamaanosi woshshe, ‹Rakkine woyyaabbino uddano abbitine uddisiissesi. Qubbichisira cuuicho, lekkasirano koatte worresi.

YOHAANNISI 16:20

Halaale kuleemmo'nena, ki'ne wi'litinanni; raartinanni; tini gobba kayinni hagiidhitanno. Ikkirono dadilli'ne hagiirreho soorramanno.

YOHAANNIS AJUUJA 21:4

Hindiiddo baala illensanni feyanno; albi ikkito sa'ino daafira, reyo woy dadillu woy wi'la woy shetto kunni ka'a diheedhanno» yitannoti lowo huuro fultanna macciishshummo.