FAARSO 3:5 - Qullaawa Maxaafa

⁵ Ani goxeemmo; goxanono amaddannoe; Kaaliiqi kaa'lannoe daafira galagale kaeemmo.

FAARSO 3:5 ပူးပေါင်းရင်းမြစ်များ

FAARSO 127:2

Soodimaroho gutansanna, hashsha keeshshite goxansa daafuroho; Kaaliiqi baxannonsa mannira kayinni, goxxe heedheennanni hasiisannonsare qixxeessannonsa.

FAARSO 34:5

Isiwa shiqqannorira albinsa xawanno; horonta di"irraabbanno.

FAARSO 4:8

Kaaliiqa, ati agarattoe daafira, keerunni goxe galeemmo.

FAARSO 66:9

Lubbonke agarinonke; umbammora wore dilainonke.

LAWISHSHA 14:26

Kaaliiqi waajjannosihura jawaata qiishooti; oososirano golo ikkannonsa.

LAWISHSHA 18:10

Kaaliiqi su'mi kinchu huxxaati; keeraanchu manchi hakkiira xooqe keere hee'ranno.

LAWISHSHA 3:24

Goxatto yannarano diwaajjatto; goxichikkino coomminoha ikkanno.

ISAYAASI 26:3

Kaaliiqa, ate hexxatenni kaajjite heedhannorira, wo'ma keere aattonsa.

LEEWAAWOOTA 26:6

«Baattote keere eemmo; waajjishannori nookkiha goxxine galtinanni; busha moyicho baattote aaninni hooleemmo; baatto'nera olu dika"anno.

SOQQAMAASINETE LOOSO 12:6

Heeroodisi layinki soodo Pheexiroosi mannaho sayise aara hede no. Pheexiroosi hakko hashsha lame cagaagenni usurreenna lame olanto mereero goxe no. Wole olanto kayinni usuru mini waalcho agarte no.