FAARSO 3:3 - Qullaawa Maxaafa

³ Kaaliiqa, ati kayinni anera wonqo'yaati. Qeelle uyite haxo'ya gotti assoottohu ateeti.

FAARSO 3:3 ပူးပေါင်းရင်းမြစ်များ

KALAQAMA 15:1

Hakkunni gedensaanni Kaaliiqi Abiraamira ajuujatenni, «Abiraami! Waajjitooti; wonqo ikke dano baalantenni agareemmohe; lowo maassono eemmohe» yaanna macciishshi.

KALAQAMA 40:13

Sasu barri giddo moote usurunni tirannohe; saokkino agure bashshokki dargira qolannohe; alba ago xorshitanni soqqamattonte gede, Ferioonira agannore ati angakkinni aatto.

LAYINKI MOOTOOLLA 18:30

Hiziqiyaasi, ‹Kaaliiqa addaxxe; gatisannonkena; kataminkeno Asoori moote angara eannokki gede hoolanno› yaannota macciishshitinoonte.

LAYINKI MOOTOOLLA 18:32

Kuni ikkannohu ani ki'neta labbanno baattora masse worammo'ne geeshshaati. Hatte baattono woyinete haqqenna haaro woyinete xajje, ejersu laalonna ejersu zayite, malawunna gidu fulannote› yiinoe. «Kunnira, moote yiino'ne gede ikkitiniro lubbotenni heedhinannita ikkinnina direyitinanni. Hiziqiyaasi, ‹Kaaliiqi gatisannonke› yaanni gowwisoonke'ne.

LAYINKI MOOTOOLLA 25:27

Moote Ewili-Merodaaki Baabilooni moohi yannara, Yoakiini qafadamihunni sajjiina lamalki diro, tonaa layinki aganira lemiina lamalki barra usurunni tirisi.

FAARSO 110:7

Moote doogote gama noo buichonni waa agihu gedenasaanni, wolqa assi're bareendesi leellishino.

FAARSO 119:114

Ati wonqo'yaatinna maaxameemmowaati; oottoe qaale hexxeemmo.

FAARSO 18:2

Kaaliiqi golo'yaati; qiisho'yaatinna gatisaancho'yaati; Magani'ya maaxameemmo godaati; wonqo ikke gargarannoe; ha'leno gatisannoe; isi anera seeda shaeeti.

FAARSO 27:6

Kuneeti xa gaangaawi'yara noo baarigaarra aana gotti gotti assannoe. Dukkanisi giddo ilillisanni kakkaleemmo; Kaaliiqira geeweemmosi; faarseemmosi.

FAARSO 28:7

Kaaliiqi wolqa'yaatinna wonqo'yaati; wodani'yanni iso hexxeemmo. Kaa'lannoe daafira tashshi yaannae, galatu faarso faarseemmosi.

FAARSO 4:3

Kaaliiqi keeraano umisira baxxinota affe; isino woshshi'reemmosi woyite macciishshannoe.

FAARSO 62:7

Gato'yanna ayirrinyi'ya Maganunniiti; isi qiisho'yaatinna jawaata golo'yaati.

FAARSO 84:11

Kaaliiqi agaraanchonkeetinna wonqonkeeti; mararannonke; ayirrinyeno aannonke; danchumma assitannorira dancha coye diho'lannonsa.

ISAYAASI 45:25

Israeelete sircho ikkinohu baalu, ane Kaaliiqinni qeellenna ayirrinye afi'ranno» yii.

ISAYAASI 60:19

«Kunni ka'a barrira arrishsho, hashshira aganu dihasiisannohe. Ani Kaaliiqi hegere xawaabba ikkeemmohe; ayirrinyi'yano ate aana xawanno.

LUQAASI 2:32

Isi mannaho halaale leellishanno caabbicho ikkanno. Israeelete mannirano ayirrinyeho» yii.

MARRO 33:29

Ki'ne Israeelete manni, hiitto baraadhinoonnireeti! Kaaliiqi wode gatisinohu, ki'ne gedee manni mama no? Kaaliiqi umisi gargadhitinanninna qeeltinanni gede, assitanno wonqootinna biseeti. Diinna'ne higgenke yitanni ki'newa dagganno; ki'neno kaddine aanansa uurritinanni.

YOHAANNIS AJUUJA 21:11

Katama Maganu ayirrinyi xawisanni no; xawaabbisi hincilaallaamu dilqi gedeeho.

YOHAANNIS AJUUJA 21:23

Maganu ayirrinyi xawanno daafiranna Ge'rechu caabbicho ikkino daafira, katamaho aganu woy arrishshote xawaabbi dihasiisanno.