FAARSO 28:5 - Qullaawa Maxaafa

⁵ Insa Kaaliiqi loosonna assino coye baala lashshi assitino daafira, hiiqqaqqe tugannonsata ikkinnina, galagalche dikayisannonsa.

FAARSO 28:5 ပူးပေါင်းရင်းမြစ်များ

LAYINKI SAAMUEELI 7:13

Mine'yano isi minanno; gashshootesino muramannokki gede geedonniha asseemmo.

LAYINKI SAAMUEELI 7:27

Israeelete Magano Olantote Mooticha, ane soqqamaanchikkira konne coye baala xawisoottoe daafiranna sircho'yano moohisattota kuloottoe daafira, tenne galatu huuccatto atewa shiqishi'ra dandoommo.

UMI MOOTOOLLA 11:38

Soqqamaanchi'ya Daawiti gede wo'mu wodaninni hajajamittoero, seera'yanna hajajo'ya wonshittoro, ane albaanni halaale ikkino coye assittoro, ani wo'manka woyite ledokki hee'reemmo. Daawitira assummonte gede Israeelete moohatto gedenna oosokkino dargakki amadde gashshitanno gede asseemmo.

FAARSO 10:5

Assi'riri baalu qinaannosi; Maganu seerino wodanisinni fafino; baarigaarrasino malxifatanno.

FAARSO 104:24

Kaaliiqa, ati lowore kalaqootto; baalanka ogimmakkinni seekkootto; baattote ati kalaqoottori wo'mino.

FAARSO 8:3

Angakki looso gordo, basensara woroottore agananna beeddahe la'nanni woyite,

ISAYAASI 22:11

Albi kofame waa qoltinara yitine, lamunku kinchu huxxi mereero koofficho seekkidhinoonni. Ikkollana konne coye balaxe hedinoha, kalaqaancho'ne Magano diqaagginoonni.

ISAYAASI 40:26

Iimira gordo higgine la'e! La'inanni beeddahe kalaqinohu ayeti? Olantote gaadaanni gede albaanni ha'rannonsa; kiironsano egennino; mitte mittenta su'misenni woshshanno. Wolqasi lowota ikkitino daafira, giddonsanni mitte nafa dixe'anno.

ISAYAASI 45:12

Baatto kalaqe, mannano aanase hee'ranno gede assoommohu aneeti; gordo anga'yanni diriirse, aanaho beeddahe diroommohu aneeti.

ISAYAASI 45:18

Gorduwa kalaqinohu Kaaliiqaati; baatto seekke kalaqinohunna xintinohu isooti; kalaqinosehu fano heedhara ikkikkinni, mannu hee'ranno gedeeti. Isino, «Ani Kaaliiqaati; ane agurranna wolu Magani dino.

ISAYAASI 45:8

Ki'ne gorduwa, keeraanchimma xeenu gede iiminni dirrisse! Gomichuno kikkiifona. Baattono fa'nanto; gatonna keeraanchimma lophito. Konne baala asseemmohu ani Kaaliiqaati» yii.

ISAYAASI 5:12

Agattonsa yannarano maasinqonna bagana dibbenna suusulle shiqqi assidhanno. Kaaliiqi assino coye mittono diwodanchitanno.

ERMIYAASI 31:4

Baxeemmohe Israeele! Ani galagalche dhaaweemmohe; atino dhaawamatta. Dibbe gantanni hagiirrunni kubbatta.

HOOSEI 14:9

Egenno afi'rinohu baalu konne coye buuxo; wodana afi'rinohu baalu konne coye wodancho. Kaaliiqi doogo suwashshote; aanaseenni higge keeraano hadhanno; cubbaataammu kayinni gufidhanno.

KIIRO 23:23

Israeele bita diamaddanno; gojuno di"iillannonsa. Wole gosano Israeelete mannire coyidhanni, ‹Kune Maganu assinonsare la'e› yitanno.

YOHAANNISI 12:37

Yesuusi tenne maalale baala albansaanni loosanni hee'reenna nafa, Ayihudootu diammantinosi.

ROOMU SOKKA 1:20

Alame kalaqantuhunni kayise mannaho leellannokkihu Maganu dani, hegere wolqasinna Maganimmasi, isi kalaqino kalaqami aana xabbe leeltanno. Kunnira, affanni heedhe assitanno bunshera ku'lite gattannori dinonsa.

ROOMU SOKKA 1:28

Mannu Magano afate hasi'rinokki daafira, saalsiisanno coye assanno gede, tidhitinokki hedo giddo facci asse agurinsa.