FAARSO 27:4 - Qullaawa Maxaafa

⁴ Kaaliiqa mitto coye huucci'roommo; hasi'reemmohuno hakkonneeti; hakkuno, heeshsho'ya diri baalankunni minesi hee'reemmo gede, Kaaliiqi danchumma laeemmo gedenna, Qullaawa Minesi hee're huucci'reemmo gedeeti.

FAARSO 27:4 ပူးပေါင်းရင်းမြစ်များ

LAYINKI SAAMUEELI 21:1

Daawiti gashshe noo yannara, 3 diro wo'ma gobbate aana jawaata hude ubbu. Daawitino tenne hajara Magano mala xa'mi'ri. Maganuno, «Saaoolinna minisi manni Gebaooni manna shiinohura sao minesi no» yii.

FAARSO 23:6

Shaqqillikkinna maarokki, heeshsho'ya diri baalunkunni baxxitannoekkita afoommo. Kaaliiqi mine hegerera hee'reemmo.

FAARSO 26:6

Kaaliiqa, beebbatewiinni xeerti'roommota egensiisate, anga'ya hayishshi'reemmo; ate magansi'rate kakkallanni darga mare doyemmo.

FAARSO 26:8

Kaaliiqa, ayirrinyikki hee'rannowa, minekki baxeemmo.

FAARSO 27:8

Ati, «Dagge magansi'rie!» yiittoe yannara, anino, «Kaaliiqa'ya maahoyye dayemmo» yuummo.

FAARSO 50:2

Maganu xummesira kullanniri nookki katamira, Tsiyooni hee're xawanno.

FAARSO 65:4

Ati dooroottohura, Qullaawa Darga hee'rara woshshoottosihura tashshi yoosi; duushshannonke atooti Qullaawu Minikki giddonni fulannoho.

FAARSO 84:10

Wolewa kume barra keeshshantenni, mitto barra ate Mine hosa woyyate; bushuullu mine ofollantenni, Magani'ya Mini xullichira ofolle hosa woyyate.

FAARSO 84:4

Wo'manka woyite galatu faarso faarsitanni, minekki heedhannori baraadhinoreeti.

FAARSO 90:17

Mooticha Maganonke, ninkera ate elle ikkitonke; assi'neemmore baala qineessinke.

ERMIYAASI 29:13

Hasidhinannie; wo'mu wodani'nenni hasidhiniero afidhinannie.

DAANIEELI 9:3

Xiddu uddano uddi're, buluulu aana ofolle, ita aga agure, Mooticha Magano eegame huucci'rummo.

ZAKKAARIYAASI 9:9

Tsiyooni manna, hagiidhe! Yerusaalamete manna, hagiirrunni ilillisse! Kuneeti moote'ne ki'newa daanni no; isi qeelinohonna bareedaho. Joongillunni harricho, harrichote ilmicho gulufe daanno.

MAATEWOOSI 6:33

Ki'ne kayinni balaxxine Maganu Gashshootenna keeraanchimmasi hasidhe; hakkuyi ka'ire baala lendanni'nena.

LUQAASI 10:42

Hasiisannohu mitto coye callaho. Maariyaami dancha coye doodhitino; konne coye isewiinni diadhinannise» yee qolise.

LUQAASI 13:24

«Ruukkashsho waalcho higgine eate, wolqa'ne uyitu deerrinni jawaatte; kuleemmo'nena, hakko waalchi widoonni hige eate lowo manni hasi'ranno; ea kayinni didandaanno.

LUQAASI 18:1

Hakkunni gedensaanni, Yesuusi wo'manka woyite jawaatte huuccidhanno gede rosaanosira lawishsha kulanni,

LUQAASI 2:37

Hakkunni gedensaanni settayina shoole diro ikkase geeshsha Qullaawu Mininni baxxitukkinni ita aga agurte huuccidhanni, hashshanna barra Maganoho soqqantanni heedhino.

LAYINKI QORONTOOSI 3:18

Ninke baalunku diphinoommokki albinni Mootichu ayirrinye xawinseemmo. Ayyaana ikkino Mooticha lawate ayirrinyunni ayirrinyu widira hinge soorrammeemmo.

LAYINKI QORONTOOSI 4:6

«Tunsichoho caabbichu xawo» yiino Magani, Kiristoosi daninni xawannoha Maganu ayirrinye afate xawaabba aankera caabbichosi wodaninke giddo xawisino.

FILIPHISIYUSI SOKKA 3:13

Roduuwa'ya, ani xaano hakka di"iilloommo; ikkollana mitto coye asseemmo; badhe'yaanni nooha hawanni, alba'yaanni nooha amadammora hiixateemmo.

UMI XIMOOTEWOOSI 5:5

Gunnimmatenni callase nooti, Magano hexxitanni hashshanna barra kaa'lannose gede jaatte huuccidhanno.

IBIRAAWOOTA 11:6

Amma'na nookkiha Magano hagiirsiinsara didandiinanni; mayira yiniro, Maganunniwa shiqqi yaanno manchi Maganu nootanna iso hasi'ranno mannirano ba'raa'ra aannota ammana hasiissannosi.

UMI SAAMUEELI 1:11

Iseno, «Wo'manka Dandaatto Kaaliiqa, ane borojjichokki qarra la'e hawittoekkinni qaagge labbaa beetto uyittoero, hee'ranno diro baala iso qole atera eemma; umisi dananchono horonta dimeendanni» yite xa'nitu.

UMI SAAMUEELI 22:10

Ahimeleekino assa hasiissannosire Kaaliiqa xa'mino. Sinqenna Filisxeemichu Gooliyaadi biseno uyinosi» yii.

UMI SAAMUEELI 30:8

Daawiti, «Konne horrinke diina hordofoni? Iillammo ikka?» yee Kaaliiqa xa'mi. Kaaliiqino, «Ee, iillite qafadaminoha manna'ne baala gatisse qolattona hordofi» yee dawarisi.