FAARSO 27:14 - Qullaawa Maxaafa

¹⁴ Kaaliiqa hexxi; jawaati; wodanikkino kaajjo; Kaaliiqa hexxi.

FAARSO 27:14 ပူးပေါင်းရင်းမြစ်များ

KALAQAMA 49:18

«Kaaliiqa'ya! Gatisaanchimmakki agadheemmo.

FAARSO 130:5

Kaaliiqi kaa'lo quqquxamatenni agadheemmo; qaalesino addaxxeemmo.

FAARSO 138:3

Woshshi'rummohe yannara yee yoottoe; jawaantekkinni jawaachishoottoe.

FAARSO 25:21

Ate hexxoommona, ammanamanna halaalaanchimma agartannoe gede assie.

FAARSO 25:3

Ate hexxitannori disaalfattanno; beebbatenni ate aana ka'annori kayinni irraabbanno.

FAARSO 31:24

Kaaliiqa addaxxitinanniri baalunku, jawaatte; wodani'neno masoonke.

FAARSO 33:20

Kaa'laanchinkenna wonqonke Kaaliiqaatina, ninke iso hexxineemmo.

FAARSO 37:34

Kaaliiqa hexxittoro, hajajosino wonshittoro, baatto ragisiiseennahe ayirratto; bushuulluno ba'anna illekkinni la"atto.

FAARSO 37:7

Cincite Kaaliiqi assannore agadhi; wolootu duroo'mituro, bunshe assitannorira qiniinsaro giirantooti.

FAARSO 40:1

Kaaliiqa cincatenni agadhoommo; isino caaqqi yiinoe; raare'yano macciishshie.

FAARSO 62:1

Gatisannoehu Magano calla ikkinohura, cince iso agadheemmo.

FAARSO 62:5

Hexxeemmohu isootina, lubbo'ya, ati sammi yite Magano calla agadhi.

LAWISHSHA 20:22

«Rabba qo'lummokkinni diagureemmo» yitooti; kaa'lannohena, Kaaliiqa addaxxi.

ISAYAASI 25:9

Kuni coyi ikkanno waro mannu, «Isi Maganonkeeti; hexxinoommosi daafira gatisinonke. Gatisinonkehu isootina, amme isinni hagiidhinona» yaanno.

ISAYAASI 26:8

Mooticha, seerakki agadhinanni ate hexxineemmo; wodaninke halchono ate ayirrisate.

ISAYAASI 30:18

Tenne giddoonni kayinni, Kaaliiqi maara'nera qixxaawe no. Kaaliiqi taashshanno Magano ikkino daafira, mararino'ne; kunnira Kaaliiqa hexxitannori ba'raadhinoreeti.

ISAYAASI 40:31

Kaaliiqi kayinni iso hexxitannorira, wolqansa haaroonsanno; allamurchu gede qoolunni buubbanno. Doddanno; didaafurtanno; hadhanno dihoogganno.

ISAYAASI 8:17

Albasi Yaiqoobi mininni shawwu assiha ikkiro nafa, Kaaliiqa agadheemmo; isolla hexxeemmo.

ERMIYAASI QURTO 3:26

Kunnira, mannu sammi yee cince, Kaaliiqi gatisaanchimma agadhiro danchaho.

IMBAAQOOMI 2:3

Himanu wo'manno yanna di"iillitino. Ikkirono himanu wo'manno yanna rakke dagganno; kuni coyino kapho ikke digatanno. Keeshshannoha ikkiro nafa keeshshino gedeenni digatanno. Halaalintanni kuni barri dayikkinni digatannona cincite agari.

LUQAASI 2:25

Hatte yannara Yerusaalamete Simiooni yinannihu mittu manchi no. Isi Maganoho galino keeraanchooti. Israeelennita gatote hexxo agadhanni hee'rino; Qullaawu Ayyaanino ledosi no.

LUQAASI 2:38

Hatte yannara ise dagge Magano galatte, qaaqqunnire Yerusaalamete gato hexxotenni agadhanni noo baalira hasaabbu.

SOQQAMAASINETE LOOSO 28:15

Roomaho heedhanno roduuwi ninke duduwo macciishshite, Afiyoosi yinanniwanna Sase Wosinu Minna yinanniwa shiqqunke. Phaawuloosi insa afe Magano galati; wodanisino hagiidhi.

ROOMU SOKKA 8:25

Illete leellannokkire hexxinummoro kayinni, cincine agadhineemmo.

UMI QORONTOOSI 16:13

Baqqi yitinoonnire ikke; ammanatenni uurre; jawaatte; kaajje.

EFESOONI SOKKA 3:16

Maganu ayirrinyisi jironni Ayyaanisi wolqa widoonni qole giddoyidi mannimma'ne jawaachishanno gede huucci'reemmo.

EFESOONI SOKKA 6:10

Hakkiinni sa'uta, Mootichunninna jawa wolqasinni jawaattine heedhe.

FILIPHISIYUSI SOKKA 4:13

Wolqa aannoehunni Kiristoosinni baalankare assa dandeemmo.

QOLASIYAASI SOKKA 1:11

Mootichu jawa wolqasinni jawaantesi baala oo'ne. Cincatenni baalanka coye dandaate hagiirrunni qixxaabbinoonnire asso'ne.