FAARSO 26:1 - Qullaawa Maxaafa

¹ Kaaliiqa ballo, wodani'ya keeraanchimma, ka'anna kawa yuummokkinni, ate addaxxoommota la'e halaale coyi'rie.

FAARSO 26:1 ပူးပေါင်းရင်းမြစ်များ

IYYOOBI 2:3

Kaaliiqino Sheexaane, «Halaalinta soqqamaancho'ya Iyyoobi wodana assite laittoni? Baattote aana isi gedeehu keeraanchunna suwashshu, bushu coyi baalunkuwiinni fafe ane ayirrisanno manchi dino. Beebbatenni huneemmosi gede xixxiiwittoerono, isi xaa geeshsha guutella no» yiisi.

IYYOOBI 4:6

Magano ayirrisakki hawaqi'rate, sumbekkino hexxote di"ikkitannohe?

FAARSO 121:3

Agaraanchikki wo'manka woyite qixxaawa ikkinohura, uwattora wore dila"annohe.

FAARSO 15:2

Hakko hee'rannohu, suwashsho doogo ha'rannoho; halaale loosannoho, wodanisinni halaale coyi'rannoho.

FAARSO 21:7

Moote Kaaliiqa addaxxinona, Wo'munkura Aliidi Maganihu bagamannokki baxilli ledosi noo daafira dimasanno.

FAARSO 25:2

Magano'ya, ate addaxxoommona, saalaho tuggootie; baarigaarra'yano qacifattoonke"e.

FAARSO 25:21

Ate hexxoommona, ammanamanna halaalaanchimma agartannoe gede assie.

FAARSO 26:11

Ani kayinni halaalaanchohona, gatisie; mararie.

FAARSO 28:7

Kaaliiqi wolqa'yaatinna wonqo'yaati; wodani'yanni iso hexxeemmo. Kaa'lannoe daafira tashshi yaannae, galatu faarso faarseemmosi.

FAARSO 31:14

Kaaliiqa, ani kayinni ate addaxxeemmo; «Ate Magano'yaati» yeemmo.

FAARSO 35:24

Kaaliiqa Magano'ya keeraanchimmakki garinni su'ma'ya seekki; aana'ya qeexaa'litanno gede assitooti.

FAARSO 37:31

Maganisi seera agadhanno; doogosi aaninni wirri diyaanno.

FAARSO 4:5

Halaalaancho kakkalo kakkalle; Kaaliiqano addaxxe.

FAARSO 43:1

Magano'ya ballo! Garoommota egensiisie; anera ha'lite halaaluwiinni xeerti'rino manni ledo ati coyi'ramie; dogaanchunna bushu manniwiinni gatisie.

FAARSO 54:1

Magano ballo, su'mikkinni gatisie; wolqakkinni keereensie.

FAARSO 62:2

Isi callu golo'yaati; gatisaancho'yaatinna, qiisho'yaati; kunnira, dargi'yanni ayino milli diassannoe.

FAARSO 62:6

Isi callu golo'yaatinna gatisaancho'yaati; isi qiisho'yaatina dargi'yanni milli assannoehu dihee'ranno.

FAARSO 7:8

Kaaliiqi daga baalate yoo yaanno; Kaaliiqa ballo, keeraanchimma'yanna ammanama'ya garinni yiie.

FAARSO 94:18

Lekka'ya sarraaqanteenna uwoommo yoommoha, Kaaliiqa'ya! Bagamannokkihu baxillikki irkise kayisinoe.

LAWISHSHA 20:7

Ammanaminohunnitinna halaalaanchu manchi ooso, hiitto ba'raadhinote!

LAWISHSHA 29:25

Manna waajjannohu woshshaado eanno; Kaaliiqa addaxxannohu kayinni keere afi'ranno.

LAYINKI QORONTOOSI 1:12

Ninke adawadhineemmo coyi konneeti: Kuni coyi halaale ikkinota tii"inke kulannonke. Wolu manninna roorsineno ki'ne ledo noonke xaadi, Maganuwiinni afi'noommo qullaambenna sumbete aana xintaminoho. Kuni ikkinohu, Maganu eltonniiti ikkinnina mannu egennonni di"ikkino.

IBIRAAWOOTA 10:23

Hexxo uyinonkehu ammanaminoha ikkino daafira, xa ammanne farci'neemmo hexxo ka'anna kawa yinummokkinni duu'ne cu'mi'no.

UMI PHEEXIROOSI 1:5

Ki'neno goofimarchu barra xawo fultara noo gato adhitinanni gede, ammanate widoonni Maganu wolqanni agarantinoonni.

LAYINKI PHEEXIROOSI 1:10

Kunnira, roduuwa'ya! Woshshama'nenna doorama'ne buuxi'rate albinni roore quqquxamme. Hatto ikkitiniro horontanni digufidhinanni.

UMI SAAMUEELI 2:9

«Isi ammanantinosiri qaafo agaranno; bushuullu kayinni tunsote ba'anno; mannu umisi wolqanni qeelle diafi'ranno.

UMI SAAMUEELI 24:15

Xaano atenna ane coye Kaaliiqi yoo; ane halaale isi fushshe, ate anganni gatisoe» yii.