FAARSO 25:5 - Qullaawa Maxaafa

⁵ Ati gatisattoe Maganooti; halaalikkinni hee'reemmo gede massagie; rosiisie; anino barra wo'ma ate hexxeemmo.

FAARSO 25:5 ပူးပေါင်းရင်းမြစ်များ

KALAQAMA 49:18

«Kaaliiqa'ya! Gatisaanchimmakki agadheemmo.

NEHIMIYA 9:20

Danchummakkinni assate hasiisannore baala kuloottonsa; ittannota ‹Menna› yinanni sagalenna agganno waano uyittonsa.

IYYOOBI 36:22

«Maganu wolqara gawalo nookkita egenni; isi gedee rosiisaanchino dino.

FAARSO 107:7

Heedhanno katama, dhaawate doogo qole haa're ha'rinsa.

FAARSO 119:26

Assoommore baala atera ku'loommo; atino macciishshoottoena, xaate wogakki rosiisie.

FAARSO 119:33

Kaaliiqa ballo! Wogakki garinni hee'ra rosiisie; anino wo'manka woyite ha'runseemmo.

FAARSO 119:66

Hajajokki hawaqi'reemmo daafira, ogimmanna egenno uyie.

FAARSO 119:97

Seerakki lowo geeshsha baxeemmo; barra wo'ma iso hedeemmo.

FAARSO 22:2

Magano'ya barra wo'ma ate woshshi'reemmo; ati kayinni didawarattoe; hashsha wo'ma fooliishsho dinoe.

FAARSO 24:5

Togoo manchi Kaaliiqi anganni atoote afi'ranno; gatisaanchu Maganisi keereensannosi.

FAARSO 25:10

Gondoorosinna hajajosi agartannorira, Kaaliiqi loosanno loosinni maarosinna bagamannokkiha baxillesi leellishannonsa.

FAARSO 25:8

Kaaliiqi danchahonna suwashshoho; cubbaataammahono doogosi kulannonsa.

FAARSO 68:20

Maganinke gatisaancho Maganooti; Maganu Kaaliiqi reyotenni gatisannoho.

FAARSO 79:9

Maganonkenna gatisaanchonke ballo! Kaa'linke; su'mikkira yite gatisinke; cubbonkeno agurinke.

FAARSO 86:3

Mooticha'ya ballo, barra wo'ma ate woxarateemmona mararie.

FAARSO 88:1

Gatisaancho'ya ikkoottohu Kaaliiqa Magano'ya ballo, hashshanna barra albakkiinni woxarateemmo.

LAWISHSHA 23:17

Wodanikki cubbaataamma hinaasoonke; barra baala Kaaliiqa waajjatenni hee'ri.

LAWISHSHA 8:34

Ani yeemmare macciishshannohu, barru baala waalchi'yara uurrannohunna, nafarchi'yara agadhannoehu ba'raa'rinoho.

ISAYAASI 30:18

Tenne giddoonni kayinni, Kaaliiqi maara'nera qixxaawe no. Kaaliiqi taashshanno Magano ikkino daafira, mararino'ne; kunnira Kaaliiqa hexxitannori ba'raadhinoreeti.

ISAYAASI 35:8

Hakkiicho, Jawa doogo heedhanno; iseno, «Qullaawa Doogooti» yinanni. Tini doogo Kaaliiqi mannira ikkitanno; keeraa'minokkihu hakkaanni hige diha'ranno; hawanyu hakkaanni hige sa"ara diuyinannisi.

ISAYAASI 42:16

Balloota hadhe egentinokki doogo, affe egentinokki faro qole haa're ha'reemmonsa. Albansaanni noo tunsicho xawaabba asseemmo; gudaagundo ikkino darga taashsheemmo. Konne coye baalanka coyi'roommohu aneetina, wonshummokkinni diagureemmo.

ISAYAASI 49:10

Mararannonsahu wayi buicho widira qole haa're ha'rannonsa daafira, hudenna goo'ro diamaddannonsa; halalli fooggalinna arrishshote iibbilli digawajjannonsa.

ISAYAASI 54:13

«Oosokki baala ani Kaaliiqi rosiiseemmo; oosokki keerino bati'rinoha ikkanno.

ERMIYAASI 31:9

Gobbansa qoleemmonsa waro, wi'litanninna huuccidhanni dagganno; dancha buichowa qole haa're masseemmonsa; taalonna suwashsho doogo qole haa're ha'reemmonsa. Ani Israeelete annaho; Efireemino bayira beetto'yaati.

MIKIYAASI 7:7

Ani kayinni Kaaliiqa agadheemmo. Gatisaancho'ya Magano hexxeemmo. Isino macciishshannoe.

LUQAASI 18:7

Maganu hashsha barra Isiwa higge raartannorira roorse halaalu yoo diyaannonsa? Lashshi asse agureenna kaa'lo keeshshitannonsani?

YOHAANNISI 14:26

Anni'ya ane su'minni soyanno'nehu jawaachishannohu Qullaawu Ayyaani kayinni baalankare rosiisanno'ne; ani kuloommo'nere baalanka qaagiissanno'ne» yii.

YOHAANNISI 16:13

Halaalu Ayyaani daanno woyite halaalu baalunniwa massaganno'ne. Isi macciishshinohalla coyi'ranno ikkinnina umisinni dicoyi'ranno. Qoleno kunni albira ikkanno coye kulanno'ne.

YOHAANNISI 6:45

Himanaanote maxaaffa giddo, ‹Mannu baalu Maganuwiinni rosanno› yine borreessinoonni. Kunnira, Anni'yawiinni macciishshe rosinohu baalu anewa daanno.

ROOMU SOKKA 8:14

Maganu Ayyaani hoode hadhannori, Maganu oosooti.

UMI YOHAANNISI 2:27

Isiwiinni adhitinoonnihu buuranno Ayyaani giddo'ne hee'ranno daafira, wole rosiisaancho dihasiisanno'ne; isi Ayyaani duuchankare rosiisanno'ne. Rosiisanno'neri halaaleho ikkinnina kapho di"ikkino; ki'neno rosiisino'ne garinni isinni heedhe.

YOHAANNIS AJUUJA 7:17

Ayirradu barcimi mereero noo Ge'rechi, allaalaanchonsa ikkanno. Heeshshote buichowa haa're massannonsa. Maganuno hindiiddo baala illensanni feyannonsa» yiie.