FAARSO 25:2 - Qullaawa Maxaafa

² Magano'ya, ate addaxxoommona, saalaho tuggootie; baarigaarra'yano qacifattoonke"e.

FAARSO 25:2 ပူးပေါင်းရင်းမြစ်များ

LAYINKI DUDUWO 13:18

Yihudu manni akaakkansa Magano Kaaliiqa addaxxino daafira qeelle afi'ri; Israeelete mannino sholli.

FAARSO 13:5

Ani kayinni bagamannokkiha baxillekki addaxxeemmo; wodani'yano gatisaanchimmakkinni hagiidhanno.

FAARSO 142:6

Qarru giddo itame noommo daafira, kaa'lattoera atewa hige raareemmo woyite, macciishshie; lowo geeshsha wolqissinoena diinna'yawiinni gatisie.

FAARSO 18:2

Kaaliiqi golo'yaati; qiisho'yaatinna gatisaancho'yaati; Magani'ya maaxameemmo godaati; wonqo ikke gargarannoe; ha'leno gatisannoe; isi anera seeda shaeeti.

FAARSO 22:1

Magano'ya! Magano'ya! Mayira agurittoe? Anewiinni mayira xeerti'ritto? Raare'ya macciishshite mayira gatisa giwittoe?

FAARSO 22:5

Atewa higge raarte, balatenni gattino; ate addaxxitino; atino disaalfachishoottonsa.

FAARSO 22:8

«Kaaliiqa addaxxootto; hanni mayira gatisa hoogiheyya? Kaaliiqi baxannoheha ikkiro, mayira kaa'la hoogiheyya?» yitannoe.

FAARSO 31:1

Kaaliiqa eeggate, ate addaxxoommona, saalfachishshootie; keeraanchimmakkinni gatisie.

FAARSO 31:15

Heeshsho'ya wo'manti angakki no; baarigaarra'ya anganninna shorritannoeriwiinni gatisie.

FAARSO 31:2

Huuccatto'ya macciishshite, rakke gatisie; kinchu golonna jawaata qiisho gede ikkite gatisie.

FAARSO 34:8

Kaaliiqi shaqqado ikkinota shiqqine la'e; iso golosi assi'rino manchi ba'raa'rinoho.

FAARSO 37:40

Isiwa eeggo e'anno daafira, Kaaliiqi kaa'le gatisannonsa; bushuullu angannino fushshannonsa.

FAARSO 41:11

Baarigaarra'ya qeeltannoe gede assoottoekki daafira, baxoottoeta kunninni afoommo.

FAARSO 56:1

Magano! Mannu xiiwannoena, baarigaarra'yano wo'ma woyite gadadissannoena mararie.

FAARSO 7:1

Kaaliiqa Magano'ya, goli'ya ateetina, shorritannoeri baaluwiinni gatisse fushshie.

FAARSO 71:1

Kaaliiqa! Ati golo'yaatina, horonta saalfachishshootie.

FAARSO 91:2

Kaaliiqano, «Ati qiisho'yaatinna golo'yaati; hexxeemmohe Maganooti» yaanno.

FAARSO 94:3

Kaaliiqa, bushuullu mamooti geeshsha, mamari geeshsha naaxxitanno?

ISAYAASI 26:3

Kaaliiqa, ate hexxatenni kaajjite heedhannorira, wo'ma keere aattonsa.

ISAYAASI 28:16

Kunnira Mootichu Kaaliiqi, «Kaajjado safote kincho Tsiyooni woreemmo. Isino ayirradohonna ammanaminoho; iso hexxannohu disaalfatanno.

ISAYAASI 37:10

«Hexxatto magani, ‹Yerusaalame Asoori moote angara die'anno› yaanni dogoonkehe.

ISAYAASI 37:20

Kaaliiqa Maganonke, ati callu Magano ikkoottota daga baala affanno gede xa Asoorootu anganni gatisinke» yaanni huucci'ri.

ISAYAASI 37:35

Ayirrinyi'ya daafiranna soqqamaanchi'ya Daawitira oommo hexxo daafira yee konne katama ani umi'ya gargare gatiseemmo» yee coyi'ri.

ISAYAASI 41:16

Woowansiteenna bubbe adhite hadhannonsa; hombobolatteno billaallissannonsa. Ani Kaaliiqakki ikkoommo daafira, hatte yannara hagiidhatto; atino ane Israeelete Qullaawa ikkoommoha Magano galaxxatto.

ISAYAASI 49:23

Mootoolla annuwa ikkite lossitannonsa; mootete meentino amate gede awuutannonsa. Aterano borojju gede umo heeshshi yee kumbuule, lekkakki buko laaxanno; kunninni ani Kaaliiqa ikkoommota afatta; ane hexxitannori disaalfattanno» yii.

ERMIYAASI 17:18

Shorritannoere irraawisi; ane kayinni saalunni gatisie. Insa hembeelsi; ane kayinni masillunni agarie; insa maniidha geeshsha marro marro higge gani.

ROOMU SOKKA 10:11

Qullaawu Maxaafira, «Iso hexxannohu baalu disaalfatanno» yine borreessinoonni.

ROOMU SOKKA 5:5

Uyinoonninkehu Qullaawu Ayyaani widoonni Maganu baxilli wodaninkera wo'minohura, hexxo di"irraawissannonke.

UMI PHEEXIROOSI 2:6

Qullaawa Borro giddo, «Kune dooraminohanna ayirrado dhaawate kincho Tsiyooni woreemmo. Iso ammaninohu disaalfatanno» yine borreessinoonni.