1 Kaaliiqa ballo, wodana'ya atewa qole kayiseemmo.
Addaxxeemmohu ate ikkootto daafira, soodo soodontenni bagamannokkiha baxillekki afeemmo gede assie; huuccatto'ya atewa shiqishi'reemmo daafira ha'reemmo doogo leellishie.
Hakkiira mara dandaannohu, angasi keeraabbinoho; wodana xalalinoho; kaphu maganna magansi'rannokkiho; kaphunni xaarannokkiho.
Mooticha'ya ballo, ate huucci'reemmona, ane borojjichokki hagiirsiisie.
Gordoho heeranno Maganiwa qolle, wodanankenna anganke kayinse,
Haannano, «Mooticha'ya, diiwedimboomma; ani dadillaame manchootiwe! Wodani'yata Kaaliiqira ku'lanni noommata ikkinnina dimbisannore diagoomma.
