FAARSO 24:7 - Qullaawa Maxaafa

⁷ Ayirradu moote eona, ki'ne waalchuwa gotti yiiyye; ki'ne bi're hundi cufannano hala'le.

FAARSO 24:7 ပူးပေါင်းရင်းမြစ်များ

LAYINKI SAAMUEELI 6:17

Kaaliiqi Taabootano massine Daawiti qasino dukkani qullaawu giddo qixxeessinoonni darga worri. Daawitino Kaaliiqira shilqonnitanna mittimmate kakkalo shiqishi.

UMI MOOTOOLLA 8:11

Gomichu giddo Kaaliiqi ayirrinye leellishanno xawaabbi wo'me noo daafira, qeesootu uurrite loosonsa loosa didandiitino.

UMI MOOTOOLLA 8:6

Qeesootuno Gondooru Taaboota dukke Qullaawu Minira eessite, Qullaawa Holge kirubeeli qoolira woroonni seekkinoonni darga wortu.

FAARSO 132:8

Kaaliiqa ballo, wolqakki malaate ikkinohu Taabootikki ledo, Qullaawu Minira e'e hakkiicho hee'ri.

FAARSO 21:1

Kaaliiqa, ate wolqanni mootete tashshi yaannosi; qeelle oottosi daafira lowo geeshsha hagiidhanno.

FAARSO 21:5

Ati kaa'loottosi daafira, bayira ayirrinye afi'rino; dancha su'manna gaacheena oottosi.

FAARSO 97:6

Gordu keeraanchimmasi duduwanno; daga baala ayirrinyesi la'anno.

ISAYAASI 26:2

Halaale loosannohu ammanamino manni eona, katamu waalcho fanne.

ISAYAASI 62:10

Waalchu widoonni higgine sa'e; mannahono doogo biddi asse. Hala'lado doogo seekke; kinnano hoolle. Dagateno baandira gotti assitine leellishshe.

MIKIYAASI 4:8

Maganu mannasi allaalaasinchu gede asse towatanno shae ati Yerusaalame! Albi gashshootikkino galagale higannohe.

HAGE 2:7

gashshoote baala galcheemmo; jironsa baalantano kawiira dagganno gede asseenna, Qullaawa Mine jiro wo'mitanno.

HAGE 2:9

Haaru Qullaawu Mini albihunni roore xu'minoha ikkanno. Kunni katamira keere eemmo; manna'yano duroonseemmo» yaanno.

MILKIYAASI 3:1

Olantote Mootichi Kaaliiqi, «Doogo'ya biddi assanno gede soqqamaancho'ya balaxe soyemmo. Agadhitinoonni Mootichi, hedeweelcho Qullaawu Minisira daanno. La"ate quqquxantinanni sokkaanchi'ya daye gondooro'ya lallawanno» yaanno.

MAARQOOSI 16:19

Mootichu Yesuusi konne baala kulinsahu gedensaanni, gordo ha're Maganoho qiniiteenni ofolli.

UMI QORONTOOSI 2:8

Tenne gobba gashshaano mittuno tenne egenno diaffino. Affinoha ikkoommero, ayirrinyu Mooticha disuttino.

YAIQOOBI 2:1

Roduuwa'ya! Ayirrado Mooticha Yesuusa Kiristoosa amma'nitine heedhine, ko'onne ku'unniwiinni roorsitine godowa hossinoonte.

UMI PHEEXIROOSI 3:22

Isi gordo ha're Maganoho qiniiteenni no; sokkaasine, gashshaanonna wolqaataammu angasira higganno.

LAYINKI PHEEXIROOSI 3:18

Roorenka, Mootichinkenna Gatisaanchinke Yesuusi Kiristoosi eltonninna egennonni lophe; isira xaano hegere geeshsha ayirrinyu ikkosi! Hamii'ni.

YOHAANNIS AJUUJA 4:11

«Mootichankenna Maganonke! Baalanka kalaqoottona, kalaqamanno gede assoottohunna, heeshsho oottohu ateetina, atera ayirrinyu, guweenyunna wolqa ikkitohe!» yitanno.