FAARSO 24:1 - Qullaawa Maxaafa

¹ Baattonna aanase noori baalu Kaaliiqiho; tini gobbanna giddose hee'rannohu baalu isiho.

FAARSO 24:1 ပူးပေါင်းရင်းမြစ်များ

UMI DUDUWO 29:11

Ati jawahonna wolqaataamoho; ati ayirrinyu, xummenna gaamaarre wo'mitinoheho; gordohonna baattote aana noori baalu ateho; ati wo'munkura aliidihonna wo'munku aana roorre afi'rootto mooteeti.

UMI DUDUWO 29:16

Kaaliiqa Maganonke, konne baala jajja gamba assinoommohu qullaawu su'mikkira Qullaawa Mine minateeti. Ikkollana baalunku ateho; ninkerano atilla oottonke.

LAYINKI DUDUWO 25:9

Amesiyaasino himanaanchoho, «Hatto ikkina, balaxe oommo birri hiikkannoyya?» yee xa'mi. Maganu manchino, «Kaaliiqi hakkiinni roore aahera dandaanno» yee dawarisi.

IYYOOBI 34:13

Maganu noosi roorre ayewiinnino diadhino; gobba baalate gashshaancho asse ayino dimoohisinosi.

IYYOOBI 41:11

Qole aammosira balaxe anera uyinoehu nooni? Gordu woroonni noori baalu ane woxeeti.

IYYOOBI 41:3

Halaalinta agurattosira huucci'rannoheni? Owaatu qaalinnino coyi'rannoheni?

FAARSO 50:10

Dubbu moyichi baalunna kume ilaalla aana noo saada baala anete.

FAARSO 50:12

Baattonna aanase noori baalu aneha ikkino daafira, hudi're ki'nera diku'leemmo.

FAARSO 89:11

Gordunna baatto atereeti; kalqenna giddose noore baala ati kalaqootto.

FAARSO 89:12

Aliyyenna wodiido ati kalaqootto; Taaboori Ilaalinna Hermooni Ilaali atera hagiirrunni faarsitannohe.

FAARSO 98:7

Baarunna giddosi heedhinoonni kalaqami baalu harqe; kalqenna aanase heedhinoonniri baalu faarse.

FULO 19:5

Xaano anera hajajantinironna gondooro'ya agadhitiniro, baatto baalate aana noo manniwiinni baxxitine ki'ne ane manna ikkitinanni;

FULO 9:29

Museno Ferioonira daware, «Katamunni fulayi hee'renni anga'ya kayise Kaaliiqa huucceemmo; belequnna kaadeno uurritanno; atino baatto Kaaliiqita ikkitinota afatto.

DAANIEELI 4:25

Mannu mereerinni baxxite hadhe, dubbu moyichi ledo hee'ratto; lamalu diri sa"a geeshsha handu gede hayisso itatto; gordu lojino aanakki dirranno. Kuni baalu coyi iillannohehu Wo'munkura Aliidi Magani mannu gashshooti baalu aana roorre afi'rinotanna gashshoote baalano baxisinosihura aannota afatto geeshshaati.

MIKIYAASI 4:13

Kaaliiqi, «Ki'ne Yerusaalamete manna! Martine diina'ne gidu gede assitine ganne; buudasi siwiila, culunqasi camo ikkino woraami gede jawaatoota asseemmo'ne. Co'o assitine huntinanni. Beebbatenni adhitinoonni jironna beehacho wo'manka gobba wo'mante Mooticha ikkoommohura anera abbitinanni» yaanno.

NAHOOMI 1:5

Kaaliiqi albaanni ilaalla huxidhanno, gaarrano daaqqanno. Kaaliiqi daanno yannara, baatto shashshafantanno. Kalqenna aanase noori baalu huxi'ranno.

UMI QORONTOOSI 10:26

Maganu qaali yaannonte gede, «Baattonna baattote aana noori baalu Maganunniho.»

MARRO 10:14

«Gordunna gordoho aleenni noo gordi, baattonna aanase noori baalu Magani'ne Kaaliiqiho.