FAARSO 22:3 - Qullaawa Maxaafa

³ Ati kayinni Qullaawaho; Israeelete manni galatannoheho.

FAARSO 22:3 ပူးပေါင်းရင်းမြစ်များ

IYYOOBI 19:7

Kuneeti, assinoonnie beebbara, raareenna macciishshannoehu dihee'ranno; ku'le halaale fushshannoeha diafi'reemmo.

IYYOOBI 30:20

«Magano'ya, atewa hige raareenna, didawaroottoe; uurre ate huucci'reenna, dimacciishshoottoe.

FAARSO 145:17

Kaaliiqi assanno coyi baalunku halaalaanchoho; baalanka coye shaqqillunni assanno.

FAARSO 50:23

Ayirrisannoehu galata kakkalannoe; hajajamannoehurano ani gatisaanchimma'ya leellisheemmosi» yaanno.

FAARSO 65:1

Magano! Atera Tsiyooni galatu malinohe; ninkeno atera xa'ninoommo xano wonshineemmo.

FAARSO 88:2

Huuccatto'ya albikkira daggona; maccakkino raare'ya widira qoli.

FAARSO 99:9

Maganonke Kaaliiqa galattesi; qullaawu ilaalisi aanano magansidhesi; Kaaliiqi Maganinke qullaawahona.

ISAYAASI 6:3

Ku'u ku'unniwiinni haa'ranna baalunku, «Qullaawu! Qullaawu! Qullaawu! Olantote Mootichi Kaaliiqi, ayirrinyisi kalqe baala wo'mino» yitu.

IMBAAQOOMI 1:2

Kaaliiqa'ya eeggatena, ani qoonqo'ya naggi asse wi'lanna macciishshattoekkihu mamooti geeshshaati? Assinanninke beebbanni gatisattonkekkihu mamooti geeshshaati?

MARRO 10:21

Konne ille'nenni la'iniha jawanna waajjishanno coye assino'nehu Magani'ne isootina galattesi.

YOHAANNIS AJUUJA 4:8

Shoolunku kalaqami mittu mittunku lee qoolla afidhino; qoolu giddoyidi nafa gatikkinni illuwa wo'mitinoho. Hashshano barrano fooliishshidhukkinni, «Qullaawu, qullaawu, qullaawu; Hee'rinohu, noohunna daannohu, Wo'manka Dandaannohu Mootichu Maganu» yite faarsitanno.