FAARSO 22:23 - Qullaawa Maxaafa

²³ Ki'ne Kaaliiqa waajjitinanniri galattesi; Yaiqoobi sirchi baalunku ayirrissesi; Israeelete manni baalunku waajjesi.

FAARSO 22:23 ပူးပေါင်းရင်းမြစ်များ

FAARSO 106:5

Atere ikkansanni naaxxitannori gede, aneno doorantinori qawaaxxo lae hagiidheemmo gede assie.

FAARSO 109:30

Isi buxichoho qiniitichosiiti; shitasira maltinori anganni gatisannosi. Kunnira, qoonqo'ya naggi asse Kaaliiqa galaxxeemmo; songote mereero ayirriseemmosi.

FAARSO 111:1

Kaaliiqira galatu iillosi! Suwaddu xaadiwanna songote mereero, Kaaliiqa wo'mu wodani'yanni galaxxeemmosi.

FAARSO 115:11

Ki'ne waajjitinannisiri baalu, kaa'lanno'nehunna agaranno'nehu isootina, Kaaliiqa addaxxe.

FAARSO 115:13

Waajjitannosire, jajjabbano ikko shiimmaadda baalanka maassi'ranno.

FAARSO 145:19

Ayirrissannosirira hasiisannonsare baala aannonsa; raarensa macciishshe gatisannonsa.

FAARSO 22:30

Dagganno ilama soqqantannosi; mannuno Mootichu looso dagganno ilamara kulanno.

FAARSO 26:12

Uweemmokkiwa taalo darga uurroommona, Kaaliiqa ate, songote mereero galaxxeemmohe.

FAARSO 33:8

Baattote aana heedhinanniri baalu Kaaliiqa waajje; kalqete aana heedhinanniri baalu iso ayirrisse.

FAARSO 35:18

Hakkawoyite Kaaliiqa! Lowo songo mereero galaxxeemmohe; lowo manni mereerono ayirriseemmohe.

FAARSO 50:23

Ayirrisannoehu galata kakkalannoe; hajajamannoehurano ani gatisaanchimma'ya leellisheemmosi» yaanno.

FAARSO 86:12

Mooticha Magano'ya, wo'mu wodani'yanni galata eemmohe; su'makkino hegere geeshsha ayirriseemmo.

ISAYAASI 25:3

Wolqaataame gosa ayirrissannohe; kaajjado daga katammano waajjitannohe.

LUQAASI 1:50

Waajjannosi mannira, ilamatenni ilamate geeshsha maarosi halashshanno.

LUQAASI 2:20

Allaalaasine, wo'munku coyi sokkaasinchu yiino gede ikkinota affinohuranna macciishshitinohura Magano ayirrissanninna galattanni dargansa higgu.

UMI QORONTOOSI 10:31

Ittinanniha woy agginanniha ikkiro woy aye coyeno assitinanniha ikkiro baalankare Maganu ayirrinyira asse.

YOHAANNIS AJUUJA 15:4

Mooticha'ya, ate waajjannokkihunna su'makki ayirrisannokkihu ayeti? Qullaawu ate callaati. Halaalunniti yookki xawo fultino daafira, gosa baala dagge albakkiinni magansidhannohe» yite faarsitu.