FAARSO 20:7 - Qullaawa Maxaafa

⁷ Mitu mitu olu faradi gaarensa, wolootu faradonsa addaxxitanno; ninke kayinni Maganinke Kaaliiqi wolqa addaxxineemmo.

FAARSO 20:7 ပူးပေါင်းရင်းမြစ်များ

LAYINKI SAAMUEELI 10:18

Sooriyootu kayinni, Israeelete olanto albinni xooqqu. Daawitinna olantosi Sooriyootu giddonni 700 faradi gaare gantannorenna 40,000 faradaasine shitu. Olantote hajajaancho Shoobaakino qasse madiissitino daafira hakkiicho olu xawira uwe reyi.

LAYINKI SAAMUEELI 8:4

Daawiti Hadadiezeerire 1,700 faradaasinenna, 20,000 lafo qafadi. Gaare goshooshannoha 100 farado gatise, hakkuyi ka'i farado morgogeenya mure aguri.

LAYINKI DUDUWO 13:16

Israeelete manni Yihudu manni albinni xooqi. Maganuno Yihudu mannira sayise uyinsa.

LAYINKI DUDUWO 14:11

Hatte yannara Aasa Maganosi Kaaliiqa, «Kaaliiqa'ya! Wolqa hoogginore wolqaataammuwiinni gatisannohu ate gedeehu dino. Maganonke Kaaliiqa! Ninke kune ate hexxine su'makki addaxxine tenne wolqaataame olanto ledo gaarammammora dangoommona kaa'linke. Kaaliiqa! Ati Maganonkeeti. Qeelannohehu mittuno dino» yaanni huucci'ri.

LAYINKI DUDUWO 32:8

Isi ledo noo wolqa mannunnite. Ninke ledo hee're olamannohunna kaa'lannonkehu kayinni Maganinke Kaaliiqaati» yii. Mannuno mootensa coyi'rino coyinni jawaati.

IYYOOBI 39:11

‹Wolqaataamo ikkino daafira, jawaata looso baala loosannoe› yite hexxattoni?

FAARSO 28:8

Kaaliiqi mannisira wolqansaati; buurinosi mootera gatote qiishooti.

FAARSO 45:17

Su'mikki ilamate ilamara qaagamanno gede asseemmo; kunnira, hegere hegerera daga galattannohe.

LAWISHSHA 21:31

Farado olaho qixxeessinanni; qeelle aannohu kayinni Kaaliiqaati.

ISAYAASI 30:16

Diininkewiinni lekka iibbadu faradinni xoonqe fulleemmo› yitinanni. Ikkollana shorritanno'neri ki'ne roore doddannoreeti.

ISAYAASI 31:1

Lowo farado, faradi gaarenna gaaddo afidhinota Gibitse hexxite, kaa'lote hakkiichira hadhannorira aanne'e! Israeelete Qullaawa ikkinoha hexxa agurtino; isi kaa'lono dihasidhino.

ERMIYAASI 17:5

Kaaliiqi, «Ane agure manna irki'rannohunna, mannu wolqa hexxannohu rumaminoho.

UMI SAAMUEELI 13:5

Filisxeemootu 3,000 gaarete farado, 6,000 faradi gaare gantannorenna baaru shaafi gede batidhino olanto adhite Israeele qassara xaaddu. Fulte Beetiaweenira soojjaatoonni Mikimaasi yinanniwa kunseentu.

UMI SAAMUEELI 2:10

Kaaliiqa gibbannori cancanantanno; isi gordoho hee're insara beleqanno; Kaaliiqi baatto baalate yoo yaanno; isi moohisinosihura wolqa aanno; buuramino mootera gaacheena aanno» yitu.