FAARSO 20:5 - Qullaawa Maxaafa

⁵ Diinu anganni gatisoottonke daafira hagiirrunni qeexaa'lineemmo; Maganinke su'minni gotti gotti yineemmo; huuccattokki baala Kaaliiqi wonshohe.

FAARSO 20:5 ပူးပေါင်းရင်းမြစ်များ

FAARSO 118:15

Kaaliiqi manni dukkani giddo, «Kaaliiqiti jawaata anga lowo coye assitino! Jawaata angasi jawa coye assitino!» yinanni ilillinsanni ililleettenna qeexaala macciishshinanni.

FAARSO 13:5

Ani kayinni bagamannokkiha baxillekki addaxxeemmo; wodani'yano gatisaanchimmakkinni hagiidhanno.

FAARSO 19:4

Ikkirono, sokka baatto baala, qaalinsa gobbate qacce geeshsha iilli. Maganu gordoho arrishshote dukkana qasi.

FAARSO 21:1

Kaaliiqa, ate wolqanni mootete tashshi yaannosi; qeelle oottosi daafira lowo geeshsha hagiidhanno.

FAARSO 21:3

Dancha maassonni xaadoottosi; filu culkita ayirrinyu ba'latto umoho woroottosi.

FAARSO 35:9

Hatte yannara, anera Kaaliiqinni tashshi yaannoe; gatisasinnino hagiidheemmo.

FAARSO 60:4

Bagaduwiinni gattanno gede, waajjitannoherira malaate oottonsa.

FAARSO 9:14

Konne assittoero, Tsiyooni nafarchira uurre, galatakki baala kuleemmo; gatisoottoehurano hagiidheemmo.

FULO 17:15

Muse kakkalote darga seekke, hakko dargirano, «Kaaliiqi Qeellete Malaate'yaati» yee su'ma fushshi.

ISAYAASI 11:10

Hakka waro, Isseyi rumushshi gosate malaate ikkanno; gosa baala isiwa tintanno; isi moohanno katami ayirrado ikkanno.

ISAYAASI 25:9

Kuni coyi ikkanno waro mannu, «Isi Maganonkeeti; hexxinoommosi daafira gatisinonke. Gatisinonkehu isootina, amme isinni hagiidhinona» yaanno.

ISAYAASI 61:10

Anera Kaaliiqinni tashshi yaannoe; lubbo'ya Magani'yanni lowo geeshsha hagiidhitanno. Uddisiisinoeti gatote uddano, seenne adhanno beetti umoho wodhino ba'lattonna, adhantanno beetto wodhitino irri gede biiffinote; keeraanchimmate seemmano aanaho ledinoe.

MIKIYAASI 4:5

Daga wo'manti uminsa maganna magansidhanno. Ninke kayinni hegere geeshsha Kaaliiqa Maganonke magansi'neemmo; isira hajajammeemmo.

IMBAAQOOMI 3:18

tenne baalate giddoonni, anera Kaaliiqinni tashshi yaannoe; gatisaanchi'ya Maganunni hagiidheemmo.

LUQAASI 1:47

lubbo'ya Maganu Gatisaanchi'yanni hagiidhitanno.

UMI SAAMUEELI 1:17

Eelino, «Israeelete Magani huucci'roottare oohena, keerunni ha'ri» yiise.

UMI SAAMUEELI 17:45

Daawitino Filisxeemichaho, «Ati bise, urdenna habbarra adhite daattoena, ani kayinni ati qoxxisittohunni, Israeelete olanto Magano ikkinohunni, Wo'manka Dandaanno Kaaliiqi su'minni dayemmohe.