FAARSO 20:1 - Qullaawa Maxaafa

¹ Qarrikki barra Kaaliiqi macciishshohe; Yaiqoobi Magani agarohe.

FAARSO 20:1 ပူးပေါင်းရင်းမြစ်များ

FAARSO 114:2

Yihudu Kaaliiqira Qullaawa manna ikki; Israeeleno isi utuwa ikkitu.

FAARSO 138:7

Qarru gaangeessannoe woyite, lubbotenni worattoe; aarunni ka'inoe diinna gante, wolqakkinni gatisattoe.

FAARSO 18:2

Kaaliiqi golo'yaati; qiisho'yaatinna gatisaancho'yaati; Magani'ya maaxameemmo godaati; wonqo ikke gargarannoe; ha'leno gatisannoe; isi anera seeda shaeeti.

FAARSO 41:1

Gadadaammu daafira xissiisi'rannohu ba'raa'rinoho; Kaaliiqi qarru barra gatisannosi.

FAARSO 46:1

Maganu golonkeetinna wolqankeeti; qarru iillannonke yanna baalate kaa'late qixxaawaho.

FAARSO 46:11

Olantote Mootichi ledonke no; Yaiqoobi Magani golonkeeti.

FAARSO 46:7

Olantote Mootichi ledonke no; Yaiqoobi Magani golonkeeti.

FAARSO 50:5

«Kakkalotenni ledo'ya gondooro e'inore, dooraminoha manna'ya anewa gamba asse» yaanno.

FAARSO 60:11

Mannu kaa'lo ditirtannotena, diinanke qeelleemmo kaayyo uyinke.

FAARSO 83:18

Kaaliiqi ate calla ikkoottotanna, baattote aana Wo'munkura Aliidihu ate ikkoottota affona.

FAARSO 9:10

Kaaliiqa, ati hasidhannohere tugge agurattonsakki daafira, su'makki egentinori baalu addaxxitannohe. Kaaliiqa, ati hasidhannohere tugge diagurattonsa.

LAWISHSHA 18:10

Kaaliiqi su'mi kinchu huxxaati; keeraanchu manchi hakkiira xooqe keere hee'ranno.

ISAYAASI 50:10

Ki'ne giddo Kaaliiqa waajjannohunna, isi soqqamaanchi yaannore macciishshannohu ayeti? Tunsichoho hee'rannohu xawaabba afi'rinokkihu, Kaaliiqa addaxxo; Maganosi irki'ro.

ERMIYAASI 30:7

Bayisibao! Hakku shettote barri daanni no! Hakko barri gedeehu wolu dino. Ki'ne Yaiqoobi ilamara qarru barraati; ani kayinni hakkiinni gatiseemmo'ne» yii.

IBIRAAWOOTA 5:7

Yesuusi tenne gobbara mannu gede ikke hee'ri yannara, reyotenni gatisasira dandaanno Magani widira hige qoonqosi naggi asse wi'le lowo hindiiddonni huucci'ri. Maganu joongillesinna owaantesi lae huuccattosi macciishshisi.