FAARSO 2:12 - Qullaawa Maxaafa

¹² Hanqisi rahe daye hunanno'nekki gedenna, ki'neno hedeweelcho ba'inannikki gede isira kumbuulle. Iso golo assidhannori baraadhinoreeti.

FAARSO 2:12 ပူးပေါင်းရင်းမြစ်များ

KALAQAMA 41:40

Ate gashshooti'yara shoomoommohe; manni'ya baalunku atera hajajamo; ani ate ayirrinyu barcimi'ya callunni rooreemmo.

UMI MOOTOOLLA 19:18

Ikkollana Israeelete giddonni Ba"aalira kumbuultinokkirenna misilesi sunqitinokkire 7,000 manna gatisi'roommo» yiisi.

FAARSO 1:6

Kaaliiqi keeraanote doogo bade egenninona, bushuullu doogo kayinni baote haadhe hadhanno.

FAARSO 109:20

Kaaliiqa'ya ballo, ane aana bunshe coyidhannore, baarigaarra'ya kunni garinni qorichishi.

FAARSO 2:5

Hatte yannara, hanqisinni rufannonsa; aarisinnino waajjishiishanninsa,

FAARSO 2:7

Kaaliiqi seera lallaweemmo; isino, «Ati beetto'yaati; ani techo iloommohe.

FAARSO 31:20

Ledonsa heedhe gano gantannoriwiinni golattonsa; baarigaarransa arrawinni minekki maaxxe gatisattonsa.

FAARSO 34:8

Kaaliiqi shaqqado ikkinota shiqqine la'e; iso golosi assi'rino manchi ba'raa'rinoho.

FAARSO 34:9

Waajjitannosiri mittoreno dihooggannona, mannisi baalu Kaaliiqa waajje!

FAARSO 40:4

Kaaliiqa addaxxitannori, boonaleeyyete ledo hossannokkirinna kaphu maganna magansidhannokkiri maassantinoreeti.

FAARSO 84:12

Olantote Kaaliiqa! Ate hexxitannori baraadhinoreeti.

LAWISHSHA 16:20

Kulloonnire macciishshannohu dancha coye afi'ranno; Kaaliiqa addaxxannohu ba'raa'rinoho.

ISAYAASI 30:18

Tenne giddoonni kayinni, Kaaliiqi maara'nera qixxaawe no. Kaaliiqi taashshanno Magano ikkino daafira, mararino'ne; kunnira Kaaliiqa hexxitannori ba'raadhinoreeti.

ERMIYAASI 17:7

«Ane Kaaliiqa hexxannohunna, ane hawaqi're hee'rannohu maassaminoho.

HOOSEI 13:2

Xaano cubbu aana cubbo loossanni no. Uminsara birra daashshite siittu misillanni kaphu maganna seekkidhe kumbuultino. Tenne angatenni seekkinoonnitera siittu misillara, «Amme kakkalo shiqishshe; sunqensa» yitanno.

YOHAANNISI 14:6

Yesuusi qole, «Doogono, halaaluno, heeshshono aneeti. Ane widoonni ikka hoogiro, ayino Anni'yawa daannohu dino.

YOHAANNISI 5:23

Hatto assinohu mannu baalu Anna ayirrisannonte gede, Beettono ayirrisanno gedeeti. Beetto ayirrisannokkihu Beetto soyinoha Annano diayirrisanno.

ROOMU SOKKA 10:11

Qullaawu Maxaafira, «Iso hexxannohu baalu disaalfatanno» yine borreessinoonni.

ROOMU SOKKA 9:33

Kunino, «Kuneeti Tsiyooni kincho woreemmo. Kuni kinchi, manna gufi'ranno gede assanno; manna gane karanno. Ikkollana iso amma'nannohu disaalfatanno» yine borreessinoonni gedeeti.

EFESOONI SOKKA 1:12

Kuni ikkinohu, balanxe Kiristoosa hexxinoommori ninke, Maganu ayirrinye galatunni leellinsheemmo gedeeti.

UMI PHEEXIROOSI 1:21

Ammana'nenna hexxo'ne Maganunni ikkitanno gede, Yesuusi widoonni amma'nitinoonnihanna iso reyotenni kayise ayirrinye uyinosi Magano addaxxe.

UMI PHEEXIROOSI 2:6

Qullaawa Borro giddo, «Kune dooraminohanna ayirrado dhaawate kincho Tsiyooni woreemmo. Iso ammaninohu disaalfatanno» yine borreessinoonni.

UMI SAAMUEELI 10:1

Hakkunni gedensaanni Saamueeli buudaho noo zayite haa're, Saaooli umira duni. Saaoolino sunqe, «Mannasi gashshatto gede Kaaliiqi buuranni noohe.