FAARSO 19:9 - Qullaawa Maxaafa

⁹ Kaaliiqa waajja xalalate; hegerera heedhanno. Kaaliiqi yoo wo'manka woyite, halaalenna taashsha mitteenni amaddinote.

FAARSO 19:9 ပူးပေါင်းရင်းမြစ်များ

KALAQAMA 22:12

Isino, «Beettokki kissooti; aanasi mittoreno assitooti; mitticho beettokki dimararootto; Magano ayirrasattohanna isira hajajamattoha ikkoottotano xa afoommo» yiisi.

KALAQAMA 42:18

Sayikki barra Yooseefi, «Ani Magano waajjeemmohona, gattinanni gede ani yeemmo'neta asse.

UMI MOOTOOLLA 18:12

Ani kawiichinni ka"anni hee'reennanni ate Maganu Ayyaani anfannikkiwa haa're ha'rihero ani hiikka higeemmo? Akiaabira konniicho noottota kuleenna daye ate hooganno woyite ane shaannoe. Ani anje'yanni kayise Kaaliiqa waajjeemmoha ikkoommota ati egennootto.

NEHIMIYA 5:15

Anera albaanni manna gashshara worroonnihu baalu, mannu aana lowo duha ikke barru baala sagaletenna agattote ikkannoha shoyilloo birra baatisiisino. Gashshaanote soqqamaano nafa manna gadadissino. Ani kayinni, Magano waajjeemmo daafira kunni duuchunku coyinni dikarsamoommo.

FAARSO 10:5

Assi'riri baalu qinaannosi; Maganu seerino wodanisinni fafino; baarigaarrasino malxifatanno.

FAARSO 111:10

Kaaliiqa waajja egennote umoho; hajajantannosirira baalaho wodancha aannonsa. Kaaliiqira hegere galati iillosi.

FAARSO 115:13

Waajjitannosire, jajjabbano ikko shiimmaadda baalanka maassi'ranno.

FAARSO 119:1

Suwashsho doogo hadhannorinna, Kaaliiqi seeri garinni heedhannori baraadhinoreeti.

FAARSO 119:106

Halaalaancho yookki agadhate, afii'yanni fullo qaale disoorreemmo.

FAARSO 119:111

Hajajokki geedote jiro'yaati; wodani'ya hagiirrino konneeti.

FAARSO 119:142

Halaalaanchimmakki hegerera heedhanno; seerikkino wo'manka woyite halaaleho.

FAARSO 119:39

Yookki lowo geeshsha dhaggennitena, waajjishshanno xonowiinni agarie.

FAARSO 119:62

Halaalaancho yookki daafira ate galatate, hashshu taalootira kaeemmo.

FAARSO 119:7

Halaalaancho yookki afoommo deerrinni, keeraanchu wodaninni galaxxeemmohe.

FAARSO 119:75

Kaaliiqa'ya, yookki halaalaancho ikkitinota afoommo; seejjoottoehuno halaalaancho ikkoottohuraati.

FAARSO 12:7

Kaaliiqa ati agarinke; bushu manni kunni dirihunni hegerera gatisinke.

FAARSO 147:19

Qaalesi mannaho, wogasinna hajajosi Israeelete aanno.

FAARSO 36:1

Bushu manchi wodana cubbu massaganno; Magano horonta diayirrisanno.

FAARSO 36:6

Keeraanchimmakki jajjabba ilaalla geeshshite; yookkino baaru diime gedeete; Kaaliiqa, ati mannanna saada towatatto.

FULO 21:1

Kaaliiqi Musera, «Israeelete mannira kulattonsa seeri konneeti:

LAWISHSHA 8:13

Kaaliiqa waajja bunshe giwate; ani boo'nanna boollaqi'ra giweemma; bunshenna sarraanqanni coye dibaxeemma.

ISAYAASI 26:8

Mooticha, seerakki agadhinanni ate hexxineemmo; wodaninke halchono ate ayirrisate.

ISAYAASI 45:19

Maaxe tunsichu giddo dicoyi'roommo; Yaiqoobi sirchira, ‹Hasidhe"e› yoommohu mulla haafa di"ikkino; ani Kaaliiqi halaale coyi'reemmo; taalo coye lallawe kuleemmo.

SOQQAMAASINETE LOOSO 10:22

Insano, «Ninke xibbu roorrichi Qornelewoosi soyennanke dangoommo. Iso Ayihudete manni baalu ayirrisannosi; keeraanchohonna Magano waajjanno manchooti. Ate minisira woshshi're ati yaattore macciishshanno gede Maganu sokkaasinchi kulinosi» yitu.

ROOMU SOKKA 11:22

Hanni Maganu shaqqillenna kaajjille la'e! Kaajjillisi ubbinori aanaati. Shaqqillisi kayinni ki'ne kaajjitine heedhinanniriraati. Kaajjitine hee'ra hoogginiro kayinni ki'neno murantinanni.

ROOMU SOKKA 2:2

Maganu hattoo coye assitannore qorichishasi gara ikkitinota egenninoommo.

MARRO 4:8

Aye geeshshano batidhona, techo ani alba'neenni worummo gedeeta keeraancho woganna seera afidhinoti wole gosa nooni?

YOHAANNIS AJUUJA 15:3

Insa Maganu soqqamaanchita Muse faarsonna Ge'rechu faarso: «Wo'manka Dandaattohu, Mooticha Magano! Loosikki dhaggetenna maalalete! Gosa baalate moote, dooggakki taalotenna halaaleho!

YOHAANNIS AJUUJA 16:7

Kakkalote dargano, «Ee! Wo'manka Dandaattohu Mooticha Magano! Yookki halaalehonna taalote» yitanno huuro macciishshummo.

YOHAANNIS AJUUJA 19:2

Yoosi halaalaanchotenna taalote; foorresenni baatto batteessitinota, foortannota bati'ra Baabilooni qorichishino. Soqqamaanosi mundeera rabbisino» yitannota lowo huuro macciishshummo.

UMI SAAMUEELI 12:24

Ki'ne Kaaliiqalla waajje; co'o yiino wodaninni ammanamatenni soqqammesi. Assino'ne dhagge baala habbinoonte.