FAARSO 18:7 - Qullaawa Maxaafa

⁷ Maganu hanqino daafira, baatto huxidhu; shafantu; ilaallate hundino milli yii.

FAARSO 18:7 ပူးပေါင်းရင်းမြစ်များ

FAARSO 34:16

Baattote aaninni tajensa hunara yee, Kaaliiqi bunshe assitannore giwanno.

FAARSO 34:18

Kaaliiqi dadillunni hiiqqantinorira mule noonsa; hexxo hoogginore gatisannonsa.

FAARSO 39:13

Higeemmokkiwa ha'rammo geeshsha, hagiidheemmona hanqitootie.

FAARSO 40:2

Fullannikki booninni, rirriwu giddonni fushshinoe; lekka'yano kinchu aana uurrisinoe; qaafo'yano suwisinoe.

FAARSO 46:2

Kunnira, baatto shafanturo, ilaallano marte baaru giddo ubburo diwaajjineemmo;

ERMIYAASI 4:24

Ilaallate widira qole laeemmo woyite, huxidhanni no. Gaarrano laoommo; insano shafantanni no.

IMBAAQOOMI 3:10

Ilaalla ate affe waajjite huxidhu; xeenu lolahino baatto hayishshe sai; lowo baari luuli; dambaluno iimira hige kai.

IMBAAQOOMI 3:6

Isi uurranno woyite baatto hembeelantanno; isi lairo gosa qece yitanno; bi're hundi ilaalla diigantanno; isi aanaanni hige ha'rannoti bi're albi gaarra xenfe'e yitanno.

ZAKKAARIYAASI 14:4

Hatte yannara, isi Yerusaalamete soojjaatoonni noohura Ejedhete Ilaali aana uurranno; hala'ladu lagichi Ejedhete Ilaala soojjaatinni galchimira hige ha're lamewa badanno; kunnira, daratu ilaali aliyyera, daratu ilaali qole wodiidira hige gatanno.

MAATEWOOSI 28:2

Hedeweelcho baatto lowo geeshsha shafantu; Maganu sokkaasinchi gordunni dirre waammate tu'noonni kincho gongo'mishe hoole aanaho ofolli.

SOQQAMAASINETE LOOSO 4:31

Huuccidhe ka'uta, gamba yite noo dargi shashshafami. Baalunkura Qullaawu Ayyaani wo'meennansa Maganu qaale waajjitukkinni kultu.

UMI QORONTOOSI 13:2

Himana coyi'rummoro, go'lino coye afeemmoha ikkummorono, egenno baala heedhuerono, ilaalla darginni kayissanno geeshshi ammana heedhuerono, baxillu hoogiero kayinni haafaho.

MARRO 32:22

Hanqi'ya giirate gede buwe, baattote aana noore baala gudanno. Giirano jeennaatu geeshsha iillitanno; ilaallate safono ittanno.

EJJEETTO 5:4

Kaaliiqa, ati Seiiri Ilaalinni fulitto yannara, Edoomi gobbanni kaitto yannara, baatto huxidhu. Gorduwano xeena facci assite agurtu; gomichuwano waa lolaassu.