FAARSO 18:43 - Qullaawa Maxaafa

⁴³ Haxawarru manniwiinni gatisoottoe; dagate umo assite shoomoottoe; egennoommokki gosano gashshantinoe.

FAARSO 18:43 ပူးပေါင်းရင်းမြစ်များ

LAYINKI SAAMUEELI 19:9

Gobbate aana noo manni baalu mimmitoho, «Moote Daawiti Filisxeemootunna wolu diininke anganni gatisinonke. Xa kayinni Daawiti Abeseloomi xooqe gobba agure fule no.

LAYINKI SAAMUEELI 3:1

Saaoolinna Daawiti manni lowo yanna olamanni keeshshi. Ikkeennano, Daawiti jawaante lexxanna, Saaooli mini kayinni wolqa ajanni dayi.

FAARSO 108:9

Moaabi hayishshi'reemmo badirooti; Edoomi umi'yaha ikkinota egensiisate, caamma'ya wodheemmowaati. Filisxeemoota qeeloommo daafira qeexaa'leemmo» yiino.

ISAYAASI 49:6

Kaaliiqi, «Galagalchite Yaiqoobi ilamaha ayirrinyensa qolatenna, gatinoha Israeelete manna wodate, soqqamaancho'ya ikka calla di"ikkitino. Hakkiinni roore gatisaanchimma'ya, gobbate qacce geeshsha iillishatto gede, daga baalate caabbicho asseemmohe.

ISAYAASI 52:15

Soqqamaanchi'ya lowo daga wixe keereensanno; mootoollano macciishshite egentinokkire macciishshite, affe egentinokkire affe, afoo cu'midhe maala'litanno» yii.

ISAYAASI 55:5

Ani Israeelete Qullaawi Magani'ne Kaaliiqi ayirrinye oommo'ne daafira, affinoonnikki gashshaano woshshitinanni; egentino'nekkirino namoomate rakke ki'newa dagganno» yii.

HOOSEI 1:10

Israeelete manni batinyi kiirrara woy bikkinara dandiinannikkihu baaru shaafi geeshshiha ikkanno. Kaaliiqi, «Manna'ya di"ikkitinoonni» yiinsarono, hakko heedheennanni, «Heeshshote Magani ooso» yinanninsa yanna dagganno.

SOQQAMAASINETE LOOSO 5:31

Maganu Israeelete aagintaabbeenna cubbonsa agurara, Yesuusa Gashshaannanna Gatisaancho asse qiniitesiinni ayirrinyunni ofollanno gede assino.

ROOMU SOKKA 15:12

Isayaasino, «Isseyi sirchinni ilamannohu daanno; dagate sooreessa ikkara ka"anno; insano iso hexxitanno» yaanno.

ROOMU SOKKA 15:18

Daga Maganoho hajajantanno gede assate Kiristoosi coyi'roommo qaalinninna assoommo coyi widoonni loosinore agurranna wolere coyi'ra dihasi'reemmo.

ROOMU SOKKA 16:26

Kuni halaali xa himanaanote borro widoonni xawe leellino. Mannu baalunku amma'ne hajajamara, hegere Magani hajajo garinni afanno gede assinoonni.

EFESOONI SOKKA 1:22

Wo'manka isi anga galanno gede asse, baalanka gashshanno gedenna beetekiristaaneteno umo ikkanno gede assinosi.

UMI PHEEXIROOSI 2:10

Ki'ne alba Maganu manna di"ikkitinoonni; xa kayinni Maganu mannaati. Alba maaro diafidhinoonnireeti; xa kayinni maaro afidhinoonni.

YOHAANNIS AJUUJA 11:15

Lamalki sokkaasinchino xurumba ufuufi. Gordunni, «Kalqe baalate gashshooti, Mootichunnihanna Buurinosihunniha ikki. Isi hegere hegerera moohanno» yitannota batinye huuro macciishshummo.