FAARSO 18:3 - Qullaawa Maxaafa

³ Galatu hasiisannosiha Kaaliiqa woshshi'reemmo; isino baarigaarra'yawiinni gatisannoe.

FAARSO 18:3 ပူးပေါင်းရင်းမြစ်များ

LAYINKI SAAMUEELI 22:4

Galatu hasiisannosiha Kaaliiqa woshshi'reemmo; isino diinna'yawiinni gatisannoe.

NEHIMIYA 9:5

Iyyaasu, Qadimieeli, Baani, Hashebaaniya, Sherebiya, Hoodiya, Shebaaniyanna Fetahiya yinanni Leewaawooti, «Ka'ine uurritine Magano'ne Kaaliiqa galatte; Kaaliiqa hegere hegerera guwissesi. Mannu guwishshi jawimmasi gudise leellishate guutinokkiha ikkiro nafa, ayirradu su'miha Kaaliiqa guwissesi» yitu.

FAARSO 144:1

Hale'ya ikkinohu Kaaliiqi galatamo! Gaaroho qajeelchannoe; olahono qixxeessannoe.

FAARSO 145:3

Kaaliiqi lowoho; lowo galati hasiisannosiho; lowimmasino mannu hedora aleenniiti.

FAARSO 3:4

Kaa'lote Kaaliiqa woshshi'reemmo; isino qullaawu ilaalisi iima hee're macciishshannoe.

FAARSO 31:4

Ati eeggo e'nanniwaatina, baarigaarra'ya wortinoe woshshaado giddonni fushshie.

FAARSO 48:1

Kaaliiqi lowoho; Maganinke qullaawu ilaalira noohura katamisira lowo geeshsha galataminoho.

FAARSO 50:15

Qarru barra woshshidhe"e; anino gatiseemmo'ne; ki'neno ayirrissinannie.

FAARSO 55:16

Ani kayinni Magani'ya Kaaliiqiwa hige raareemmo; isino macciishshe gatisannoe.

FAARSO 62:3

Haawiino mininna uwara rahino huxxi gedee mancho gawajjitinanni; ki'ne baalunku mamooti geeshsha heedhinanni?

FAARSO 62:8

Manna! Wo'manka woyite iso addaxxe; isi golonkeetina, qarra'ne baala isira hasaaphe.

FAARSO 71:3

Ati goda'yaatinna golo'yaatina, balba'leemmowanna jawaata qiisho ikkite gargarie.

FAARSO 76:4

Magano! Ati lowo geeshsha ayirradoho! Diinakki qeelte ilaallate aaninni higatto yannara, xirchikki waajjishannoho.

FAARSO 91:15

Woshshi'rannoe woyite, ‹Yee› yeemmosi; qarramanno yannara ledosi hee'reemmo; gatiseemmosi; ayirrado asseemmosi.

FAARSO 91:2

Kaaliiqano, «Ati qiisho'yaatinna golo'yaati; hexxeemmohe Maganooti» yaanno.

FAARSO 96:4

Kaaliiqi lowoho; lowo galati hasiisannosiho; wole maganna baalantenni roore ayirradoho.

ERMIYAASI 16:19

Kaaliiqa, ati jawaante'yaatinna golo'yaati; ati qarru barra maaxameemmowaati. Gobba baalantenni gosa atewa shiqqe, «Akaakkankera kaphu maganna agurranna noonsari dino; misilla baalanti mittoreno dikaa'litannoreeti» yitanno.

LUQAASI 1:71

diinnankenna gibbannonkeri anganni gatisannonketa coyi'rino.

SOQQAMAASINETE LOOSO 2:21

Mootichu su'ma woshshannohu baalu gatanno› yaanno himani wo'manno gedeeti.

YOHAANNIS AJUUJA 4:11

«Mootichankenna Maganonke! Baalanka kalaqoottona, kalaqamanno gede assoottohunna, heeshsho oottohu ateetina, atera ayirrinyu, guweenyunna wolqa ikkitohe!» yitanno.