FAARSO 18:15 - Qullaawa Maxaafa

¹⁵ Kaaliiqa, baarigaarrakki rufittonna, hanqunni beleqitto yannara, baaru faashshi yeenna baatto reqecci yitu.

FAARSO 18:15 ပူးပေါင်းရင်းမြစ်များ

LAYINKI SAAMUEELI 22:16

Kaaliiqi baarigaarrasi rufita, sanosi giddonni fulino foorarinni ufita, baaru hundi leelli; baattote hundino reqecci yii.

LAYINKI MOOTOOLLA 19:7

Gobbasira dudumbanni duduwinni masanno gede asseemmosi. Galagale gobbasi ha're gurcho reyo reyanno› yiino yitine kullesi» yii.

IYYOOBI 36:32

Banqo angasinni amadanno; gantara hasi'rinori widira qole hajajannose.

IYYOOBI 4:9

Maganu foolinni ba'anno; hanqisi bubbenni gooffanno.

FAARSO 104:5

Baatto xintise aana kaajjishshe uurrisootto daafira, horontanni dishashshafantanno.

FAARSO 106:9

Duumu Baari isi rufeenna mooli; mannasi baaru giddoonni moola baatto aanaanni qole sayisi.

FAARSO 144:6

Banqote beleqo sokke, baarigaarrakki billaallisi; insa, maxxakki olte shorri.

FAARSO 74:15

Xo'annokki bu'anna xashshuwa lolaasootto; jajjabba lagga kayinni mooshshootto.

FAARSO 76:6

Yaiqoobi Magano! Rufittonsa yannara, faradaasinenna faradinsa reyitino.

FAARSO 77:18

Gugattokki luuli base tuqa iilli; belequ gobba baala xawisi; baattono qece yite huxidhu.

FAARSO 92:10

Haxo'ya kaajjishshe gotti assittoe; umi'yara buurokki buuroottoe.

FULO 15:8

Foolikkinni waa mittowa duunitto; lolahanni noohu gammalu gede hossi yee uurri; diimete giddo noo baarino gei.

ISAYAASI 11:4

Buxanete taashshe coyi'ranno; qarraataammaho halaale fushshanno. Isi hajajonni mannu qorichishamanno. Bunshe loossannore afiisinni fulanno qaali shaanno.

ISAYAASI 30:33

Lowo dirira albaanni, Asoori moote giirrannihu, giirate dargi qixxaawe no. Hakko hala'ladonna diime ikkino dargano, lowo haqqe duunnoonni; haqqeno ruqanu gedeehu Kaaliiqi fooli itanno.

ERMIYAASI 31:37

Gordo bikka dandaannohu nooni? Baattote hundi geeshsha iille buuxe afannohu nooni? Hattonni Israeele cubbo loossuro nafa, anino insa agure diafeemmo. Konne coye coyi'roommohu ani Kaaliiqaati.

YOONAASI 2:6

Ilaallate hundi geeshsha lixummo; hegere geeshsha cufante heedhanno baatto dirrummo. «Ati Kaaliiqi Magani'ya kayinni, ane diimete giddonni fushshite, lubbo'ya gatisoottoe.

MIKIYAASI 6:2

Ki'ne ilaalla Kaaliiqi Maganu manna abbooshshi'rino gara macciishshe. Ki'ne kaajjaddu baattote rumuddano macciishshe. Kaaliiqi mannasi Israeele abbooshshi'rino; qoleno boroorino.

ZAKKAARIYAASI 9:14

Kaaliiqi mannaho aleenni hige leellanno; digaanu worbichono banqote gede asse olanno. Mootichu Kaaliiqi buudu xurumba ufuufanno; Wodiidi hombobolatte gede asse diina gawajjanno.

UMI SAAMUEELI 7:10

Saamueeli shilqote kakkalo shiqishanni hee'reenna Filisxeeme Israeele qassara shiqqi yite daggu. Ikkollana hakko barra Kaaliiqi gordoho hee're Filisxeemete lowo geeshsha beleqi. Insano garu baeennansa masse Israeelete albinni xooqqu.